شوفي حبيبتي انا ماقد حملت قبل كذا وماعرف كيف احساس الحمل
لكن انا اعرف كيف احساس النوم الثقيل
انا حاليا اعاني منه وكنت اصحي بيتي مقربع ومافي وقت بالنهار لكل شغلي
بس في طريقه سويتها بقولك عليها وان شاء الله تفيدك
امسكي كل شي حبه حبه
اولا التنظيف
لاتحصرين وقت التنظيف بالصباح الباكر مثلا عند نوم زوجك نظفي البيت ورتبي واذا كان مايصحي من صوت المكنسه كنسي واذا طلع مع اصحابه استغلي الفرصه وكل شي تنتهين منه حاولي وعودي زوجك انو كل شي مرتب
وكل يوم فكري اش بتطبخين بكرا ومن قبل النوم بوقت جهزي كل المقادير عالطاوله حتي الملاعق والادوات وابقي السكينه بعيده اذا فيه اطفال والمقادير الاخري الي لازم تكون مبرده خليها بالثلاجه مع بعض يعني الخضار بحافظه او كيس والدجاج او اللحم بالفريزر
وسوي السلطه بكمية يومين وكل يومين سوي سلطه بدلا من يوم بيوم وعشان تبقا بدون ماتخرب لاتحطي عليها صوص .. خلي الصوصات بنفس الصحن الي تاكلين فيه
وبكذا قبل الطبخ علي طول تشغلين النار وتبدأين طبخ بسرعه كل شي قدامك والسلطه جاهزه
حاولي كل ما انشغل زوجك استغلي الفرصه بالبيت عشان ماتشيلي هم النوم لانك حامل ولازم الراحه ابدا لاتضغطين علي نفسك وبنفس الوقت لاتقصرين علي زوجك لانه يستاهل واضح انه ماشاءالله تبارك الله متفهم
والملابس كل يومين غسلي عشان تكون الملابس خفيفه وحلوه ارميها بالغساله وهي تتكفل فيها وطبقي الملابس علي طول عشان ماتتجعد لانو بعض الاحيان مايحتاج كوي لانها تطلع حاره بس اذا تركتيها مكومه رح تتجعد وصعب الكوي
وبكذا باذن الله كل شي سهل
انا كنت كل يوم اصحي 10 او 11 الصباح كان مناسب لي
بعد مانقلت من بيتي نومي اتقربع واصبح عندي ارق فضيع من ارهاق السفر والنقل ف لاتخافي باذن الله انا وانتي حنرجع احسن من قبل
ودايما كوني طيبه مع زوجك ومرحه وغير مقصره عشان وقت الضيق يوقف جنبك ان شاءالله ودايما فهميه قد ايش الحمل صعب وبداخلك انسان لكن انتي تحاولي عشانك بتحبيه وهو زوجك
صدقيني ما ابالغ لانو كل شي باسلوب حلو يجيب نتيجه
اتمني يارب اني افدتك
مابغا منك غير تدعيلي وقت صلاتك وجوف الليل بحمل سليم ومعافي وان يرزقني حب زوجي لي للابد