[Omremass]

السلام عليكم حبيبات قلبي واخواتي الغاليات حبيت افيدكم بشوية معلومات عرفتها بعد ما سالت مرت خالي الحامل بالاعراض الي حست فيها عسى نتعلم منها شوي المهم سالتها شو الاعراض الي حست فيها قبل الدورة وقالت انو قبل الدورة ما حست باي شيء لا تعب ولا غثيان ولا كثرة التبول اعزكم الله ولا حتى شافت نقطة الدم الي تدل على انغراس البويضة ولكن ابتداء من اول يوم تاخر للدورة صار معها مغض قالتلي ضعف الم الدورة و حست بطنها عم يتقطع تقطيع وكمان ظهرلها حبوب بالوجه وانتفخ بطنها شوي وصار عندها غازات بالبطن ساعتها استنت 3 ايام من التاخر وعملت تحليل منزلي ومباشرة طلع الخطين مع بعض وانا سويتلها اختبار السرة يلي كلنا سمعنا فيه والمفاجئة انو النبض بيكون كثير يعني عكس ما نعرف عنو انو ماراح يكون نبض بالسرة لو كان فيه حمل
وانا غايتي هي انو كل وحدة فينا راح تكون عندها اعراض خاصة فيها وما نعتمد انو كل الاعراض لازم تكون موجودة والا ما راح يكون حمل وهي اولا واخيرا كلها بارادة الله سبحانه وتعالى لا تقنطو من رحمة الله لانو كلو بايد الله واذا قضى امرا انما يقول له كن فيكون والله يرزقني وكل مشتهية هذا الشهر قادر يا كريم