[Um sara1]

المشاركة الأصلية كتبت بواسطة وظني بك ياربي جميل

كيفه هو مع الصلاه ؟ يصليها باوقاتها ؟ تحسينه يحرص على صلاه الجماعه ؟
وامه كيف تعامله معاهاا يبرهاا يهتم فيها ويزورها - بغض النظر عنها كشخص- !!
اذا ايه .. فلا تخسريه

مو معناته ابرر اغلاطه اللي سواها معاك .. بس حاولي تكسبيه بطريقتك
وذكائك .. مافي رجال كااامل ومعصوم مستحيل خاصه بهالزمن
بس فيه اساسيات احس لابد تكون بالرجل عشان تخليك تغفرين اخطائه وتغضين طرفك وتحاولين تتجاوزينها بسلام .. واللي هي الامور اللي ذكرتها فوق ..

الله يسخرلك زوووجك ويقومك بالسلامه وتتغير حياتكم للافضل باذن الله مع قدوم البيبي ..
وادعي انتي دايم ان الله يهديه ويسخره لك .. والله يكتب لكم التوفيق يارب

من ناحية الصلاه مايتركها كليا لكن ممكن يجمع اكثر من فرض لو كان نايم ولو كان برى اتفاجأ انه مراح يصلي بالمسجد في المسجد واذا رجع الييت يصلي وصلاة الفجر بالذات اتعب معه لانه ينام قبلها بدقايق واحيان ينام وهو يأذن احاول اشغله لكن يعصب وينام


عموما هو ترك التدخين مرة بضغط مني ورجع له لما سافر مع اصحابه وللاسف امه هي ايدته على هالسفرة ولما تصالحنا تركه مره ثانيه ومرت سنه تقريبا لكن ممشاه مع رفاق السوء يخليه يحن له ودايم يشتاق يدخن او يشيش بحكم جلسته طول الوقت بكافيه او كازينو ويكرر انتي راح ترجعيني للدخان كنوع من التبرير للذات

علاقته بأمه اقدر اوصفها بكلمتين مرغم اخاك لا بطل يعني زمان كنت احثه على برها لين اكتشفت انها المحرض الاول ضدي ومع ذلك والله مازلت اتضايق ويقشعر بدني لما يرفع صوته عليها ويسكتها ويتجاهل اتصالها بس تغير كثير بعد زواجنا باعترافها لكن ممكن يمر اسبوع ومايروح لها واذا حب يحط شماعه لتقصيره معها مع اني اكون مسافره او عند اهلي وقتها يحط اللوم علي بطريقه غير مباشرة يقول الحريم يغارون لما الواحد يهتم بأمه وهالكلام يضحكني كثير لاني ياما كنت اجبره نزورها ونقوم بواجبها وكان هالشي حمل ثقيل عليه لدرجة يقول ليش امي تحبك مع انها ماتحب الباقين ولما صارت علاقتي بها رسميه ارتاح لانه كان يظن اني افضفض لها او اجيب سيرته واعلمها بتصرفاته


مشكلته ظن السوووووء كل شي بعلاقتنا حتى الايجابي يفسره بطريقه خطأ ولما اناقشه ان اصابع يدك مو سوى قال الحريم كلهم كذا