[أملي فيك]

المشاركة الأصلية كتبت بواسطة mama to be

اهلا اختي

الله يتمملك ع خير وتقومي بالسلامه انتي والبيبي...
بالنسبه للوحام, اذا بتراجعي طبيبتك ووضع البيبي تمام بكبر وفي نبض..
ما تسالي عن الوحام في سيدات ما بحسوي في شي ووحامهم خفيف او ولا اشي..
انا هيك كنت. بخاخ الربو ما باثر عالبيبي والحمل..بالعكس بضمن انوا ما يصير عند ازمه
ويوصل اوكسجين كافي للجنين..حاولي تطلبي جرعه اكثر او ممكن عدد مرات اكثر حسب
طبعا استشارة طبيبتك.
الصوره للصدر كمان ما بتاثر لانه كمية الاشعه اللي بتوصل مباشره للجنين قليله..
ولكن لما تعمليها اضمني انه اللي بعملها بعرف انك حامل..وممكن تغطي بطنك في
اشي عازل عندهم.. الاشعه اللي مباشره عالبطن هيي اللي بتضر لانه الكميه كبيره مقارنه..
باشعة اعضاء الجسم الثانيه
الله يسرلك امورك ويشفيك يا رب

الله يريح قلبك مثل ماريحتيني الله يسعدك دنيا وآخرة..
بكرة ان شالله موعدي مع الدكتورة لنشوف وضع البيبي دعواتكم