اكلت ..وحاولت اتحرك اجاني شوي الم مش في رحمي تقريباا كنت بحس فيه في المهبل زي النغزه ....وخبرت الممرضه قالت عادي
ارتاحي نص ساعه وبعدها روحي الحمام ولا تخافي راح تلاقي نازل دم بسيط راح يتوقف
وفعلا رحت الحمام لقيت شوية دم ..وماكان فيه الم
وبعدها طلعت على الشقه ومارست حياتي عادي
بعدها الجمعه المركز مايداوم
وبعدها السبت كلموني وقالو سحبنا اربع بويضات وكلها اتلحقت
وموعد الترجيع الاحد الساعه عشر
طبعا عملت بنصيحه الاخوات اللي جربوو يوم الترجيع ما استخدمت صابون ولا شامبو ولا عطر ..
الترجيع . .... برضوه غرفة التحضير لبسوني لبس العمليه...دخلت ع طول جاتني دكتورتي وقالت عندك اليوم ترجيع لا تخافي ما تؤلم ولا شي مافي تعليمات كثير ...ايوا يوم السحب كتبو لي تحاميل اخذتها الجمعه والسبت ....وقالو لي اللي قبل الترجيع لا تاخذيها تعالي وانتي مش حاطتها..... المهم قالت لي من تطلعين دحين وانتي مستمره على التحاميل كل ١٢ ساعه واذا نزل معاك دم زودي اخذيها كل ٨ ساعات
بدت بالترجيع حطت جهاز وقالت لا تشدي استرخي هذا جهاز نفس الكشف العادي ....ونادت في شباك الغرفه يطل على غرفة المختبر نادت ع اللي بتشتغل واعطتهم رقمي واعطوها انبوبه صغير دخلتها في رحمي وقالت شوفي الشاشه كيف بيدخلو انا جلست اتابع الساشه الصرتحه مافهمت شي حقنت لي جنينين وقالت خلاص ..احنا عملنا اللي علينا ...ادعي ربك ..واستمري ع الاسبرين والفوليك والتحاميل
ويوم ١٧ اعملي تحليل هرموني للحمل
انا اليوم اللي اهو الاربعاء رابع يوم لي ترجيع
اول يوم ماحسيت بشي ولا ثاني يوم امس واليوم
احس بمغص خفيف نفس مغص الدوره يجي ويروح مايطول دقيقه ممكن او دقيقتين ....... ماشيه ع الاكل الصحي خيار خس حليب لحم ..تركت المشروبات الغازيه والمنبهات والشوكلاته ..اكل برتقال وتفاح
شغل البيت العادي بس ع خفيف جدا ..اشتغل شوي وارجع انام ع ظهري ....واغلب الوقت نايمه ع ظهري
وربي يكتب اللي فيه الخير لي
انتهى .