[ام_صالح]

تجربتي في ابره تنشيط لي 450 وحده دوليه من مينوبيور
تجربتي في ابره تنشيط لي 450 وحده دوليه من مينوبيور



مثل ما وعدتكم اني راح اكون معاكم خطوه بخطوه في الرحله هذي .. وان شاءالله باذن واحد احد تكون ناجحه وسهله ومثمره ..
اليوم اول ابره تنشيط لي ( 450 وحده دوليه ) من مينوبيور طبعا يستحسن اخذها في نفس الوقت كل يوم لمده ست ايام وانا اليوم ثاني يوم دوره
صار لي اسبوعين باديه اشرب 2 لتر ماء باليوم ومن اسبوعين بديت عصير برتقال وحليب وبروتين لحم وسمك وربيان.
صار لي تقريبا سنه اخذ فوليك اسيد بس صار لي شهرين اخذ نوع من الفيتامينات المقويه للبويضات وبطانه الرحم فرنسي اسمه كونسيبيو الدكتوره واصفته لي ولي زوجي ( لانه فيه للرجال والنساء)
قطعت كل الفاست فود - قللت الشاي الي كوب الصبح واستكانه الظهر - قطعت القهوه - قطعت الدجاج لانه فيها هرمونات كثيره.
من اليوم راح اوقف المقالي احس احسن - وراح اكثر من الجوز واللوز - وراح اشرب عصير الاناناس بس مو وايد كوب واحد او كوبين باليوم.

طبعا هذا كله لازم يكون معاه الاستغفار - الصدقات - قراءه القران والدعاء

والله يسهل ان شاءالله .. ويكتب لي السلامه ويقر عيني بشوفه ضناي اللهم امين ويعطي كل محرومه اللهم امين ...