زي ماهو بالعنوان
من تجربتي الخاصه انا افنان
تبغي ايدك بيضا وناعمه ؟؟ وعندك زبادي منتهي ؟ خلاص مبروك مقدما عليكي البياض ومن اول مره
حتقوليلي كيف؟؟
شوفي ياستي تجيبي علبه الزبادي اللي عندك وكل ماكان تاريخها قديم يكون احسن
اضيفي للزبادي 4 ملاعق زيت زيتون عصره اولى لازم (انا استخدمت الوزير)
وتضيفي 4ملاعق زيت لوز مر
و4زيت سمسم وعصير ليمونه
تخلطيها مع بعض وهالعلبه حتكفيكي اسبوع او اكتر
نجي للخطوات تاخدي شوي من الخلطة وتدهني فيها ايدك حتكون سايله طبعا
بعد ماتدهني يدك مزبوط حتلبسي قفازات بلاستك او كيس عشان تكتمي يدك وتتشرب الخلطه كويس
خليها ساعتين بعدين خرجي يدك من الكيس او القفاز وخليها تنشف بنفسها ماحتطول دقيقتين يمكن وتنشف
بعد ماتنشف افركي يدك وشوفي المفاجأه واغسليها بمويه وادهنيها بفازلين الوردي موحد اللون
حتلاحظي يدك اتغيرت 180 درجه حتفتح لونها وخاصه مفاصل الاصابع وبعدها حطي مناكيرك واتدلعي بيدك
بعد اسبوع بالزبط حتنقلب حال يدك لبياض ماتتوقعيه
بس حتحسي بالفرق من اول مره
ملاحظه: زيت الزيتون لاااازم عصره اولى
وزيت اللوز المر وزيت السمسم لازم اصلي من وادي النحل او معاصر الاحلام
جربوها وتعالو بشروني والله يابنات مانقلتها من اي مكان وانها تجربتي انا قريتها وجربتها وفعلا طلعت مزبوطه
تمزمزوو يابناااات