افرازات بيضاء شفافه والدورة متاخرة ونتيجة تحليل المنزلي سلبي
افرازات بيضاء شفافه والدورة متاخرة ونتيجة تحليل المنزلي سلبي
السلام عليكم ورحمة الله وبركاته
اخواتي عزيزاتي حبيباتي
انا اجهضت يوم 5 ربيع الثاني السنه اللي راحت ومن يومها الحمدلله دورتي انتظمت كل شهر في يوم 5 .. بعد ماكانت تغيب بالشهر والشهرين وماكانت منتظمه
بس في رمضان تاخرت يوم .. وشهر القعده ماجات بالمره .. وبشهر ذي الحجه جتني يوم 1 اول الشهر واغتلست يوم 9
---------------------------------------
في اواخر شعبان جبت ممرخه ترفع لي الرحم وعطتني دواء هي تسويه اشربه يوميا لمدة شهر كامل
وفي الحج شربت عصير الاناناس اول يوم من الحيض .. وشفت ان الدم ينزل بغزاره غير العاده .. وقفت من العصير خفت تزيد دورتي وتزيد يوم او يومين وانا كنت ناويه اصلي العيد في المدينه ..
والحمدلله ربي وفقني وصليت العيد بالحرم ودعيت في الروضه الشريفه الله يرزقني وكل عضوه في هذا المنتدى وكل محروم بالذريه الصالحه
المهم بعدين حصل لقاء بيوم 13 و 16 و 22 من الدوره
يوم 17 من الدوره كان التبويض عندي تمام .. حتى بعد ماصحيت من النوم الظهر نزل افرازات شفافه وعليه نقطتين دم مره قليله
ويوم 18 من الدوره كمان نزلت افرازات قليله شفافه وعليها نقطتين دم مرره قليله
يوم 28 من الدوره لما صحيت من النوم الظهر حسيت تشنجات في الرحم (زي المغص بس انه في الرحم مو ب البطن) لمدة دقيقه وبس
والم اسفل الظهر وبرود برجولي ..الم اسفل ظهري ضل مستمر معاي مدة 5 ايام تقريبا
ومن يوم 3 هالشهر تنزل علي افرازات بيضاء وشفافه مره ايوه ومره لا
ويوم 4 و5 حسيت بالم في المبيض الايسر مان الم قوي ملحوظ
ولين اليوم تنزل افرازات بيضاء وشفافه واوقات احس برطوبه وكان الدوره نزلت بس مافي شي
امس جبت تحليل فيرست ستيب الازرق وسويته لما صحيت اليوم الظهر والنتيجه سالب
صراحه ماحسيت باي اعراض ثانيه لادوخه ولا غثيان ولا حتى الم اسفل البطن
قلت يمكن افرازات التهاب ولا شي .. بحثت عن اعراض الالتهاب ومافيني ولا واحد فيهم ولله الحمد
فمادري هذي الافرازات ايش والدوره متاخره والنتيجه سالب ��
سامحوني طولت عليكم بس حبيت اوضح كل شي صار معاي عشان تكونون بالصوره