السلام عليكم ..
انا سجلت بالمنتدى لأن عجبني تفاعلكم ومساعدتكم لبعض
وحبيت اطرح لكم مشكلتي .. بالتفصيل
عندي الدوره مو منتظمه وعطتني الدكتورة حبوب تنزلها بعد اسبوع وبعدها باليوم ال16 استخدم الدوفاستون لمدة عشر ايام ..و فعلا نزلت الدورة بعد اسبوع وبدأت بالدوفاستون ..
المهم
متزوجه من 3 شهور وماصار حمل.. لأن اول شهر كان كله معاناة من فض البكارة وثاني شهر صار طبيعي لكن ماكان فيه دوره .. وثالث شهر كان هو الشهر اللي قررت انظم الدوره فيه..
وصار جماع من طهرت على طول ..
بعد الجماع ..
اول ماصحيت الصبح صحاني ألم صدري الحلمات لما تحركت وانا نايمه .. وصحيت ومسكت صدري لقيت فيه ألم عند اللمس و اول مره يجيني هالوجع استمر يوم يومين وراح ومن راح جاني صداع فضيع مقدر اقوم منه وبس ابي انام وصرت اتكاسل لما اجي اشتغل وبعد اسبوع و شوي جاني الم بظهري والاسبوع اللي بعده جتني عصبية ونرفزه مو طبيعيه مع الام الدورة اللي كانت مستمره بعد ماخلصت بأربع ايام ضلت الامها لحد الان تقلصات و الم جهة المبايض اسفل البطن و الم بالرحم بالضبط نفس الآم الدورة ولما اوقف تجيني دوخه خفيفه مرات وانا اشتغل ادوخ ثواني من اوقف مكاني شوي تروح.. وحرقة بالمعده .. كل هالوجع استمر من خلصت الدورة الى اكثر من ثلاث اسابيع تقريبا .. بعضهم قالوا لي يمكن حامل جيبي جهاز اختبار الحمل .. وجبت 2 واحد سويته بنفس الوقت كان بالليل وبعد عشر دقايق طلع ضل خفيف بالغصب ينشاف والثاني سويته الصبح اول ماصحيت وطلع خطين واحد زهري خفيف بس واضح مره الكل شافه .. قال زوجي خلينا نتأكد بالدم .. رحت سويت تحليل دم مع ان باقي ع الدوره 5 ايام او 4 .. قالت الدكتورة ماراح يبين بس بنسوي عادي .. وسويت وطلعت النتيجة سلبيه وتحطمت و رجعت للبيت ومعي جهاز و سويته ثاني يوم الصبح وطلع ظل خفيييف بالغصب ينشاف وماحد يشوفه غيري ..
مين مرت بنفس هالحاله وطلعت حامل ؟ يعني ممكن فيه حمل بس مايبان الا بعد تأخر الدورة ؟ ومعقوله التحليل المنزلي ايجابي و الدم سلبي ؟ لان المنزلي سويت ثلاث مرات .. مرتين ضل ومره زهري واضح.. مين اصدق فيهم .. انا عارفه ان لازم الدوره تتأخر بس مافيني صبر وشكيت من الاعراض اللي تجيني
طمنوني الله يسعدكم ويحقق لكم ماتتمنون