[ســـارا]

السلام عليكم جميعا

الله يرزق الجميع بالذرية الصالحة يارب

بصراحة انا اليوم جاية و محتارة :( و سجلت خصوصي بالمنتدى عشان اسألكم شوية اسئلة

موعد ولادتي قرب و كتير شغلات حاسة حالي ضايعة فيها لإني بكرية

حابة اللي مجربين يفيدوني بتجاربهم و خبرتهم

مثلا الرضعات .. شو احسن نوع .. شفت نوع حسيتو كويس tommy tippe

و جهاز تعقيم الرضعات مفيد ولا ع الفاضي ؟؟

و بالنسبة لعدد الرضاعات .. يعني اجيب من كل حجم وحدة .. ولا كيف ولا فيه شغلات ع الفاضي رح اجيبها

انا ولادتي بالشتاء طبعا بتطلع و عز الشتا

شو عدد الملفات اللي لازم اجيبها

الداخلي اكم قصطعة بتلزمني .. ستة بيكفي ؟؟ ولا كتير

بالنسبة للسالوبيت او الباربوتوزات بمعنى آخر

اكم وحدة بيلزمني مواليد و لسن 3 شهور و شهر 4 و 5 مش عارفة شو نوع اللبس اللي اجيبو لإني مش عارفة لأي حج اجيب

انا جبت .. خايفة اكون جايب قليل ..

طبعا انا و ماما عاملين خناقات .. كل مجيب شغلة تقلي ع الفاضي و اني جايبة بزيادة و الصغار بيكبرو بسرعة و ما فيه داعي لكل هادة العدد

و انا خايفة الاشي يكون قليل

طقم السرير للبيبي كتير مهم ؟ ولا كلام فاضي

الحرامات الشتوية اكم واحد بيلزمني




و اللي عندها خبرة بحجات تانية تحكيلي إياها

كتير ملخومة حاسة حالي و الموعد قرب خايفة يكون فيه حجات ناقصة علية