[يارب تمم لي شوش]

المشاركة الأصلية كتبت بواسطة أم مـــاريا

انا عادتي اراجع من بداية حملي حتى باالشهر اللي تكون ادويتي ماخلصت و حاسه انه كل شي بحملي تمام و يكون عندي مراجعه لازم اروح و اشوف و اتكلم مع الدكتور حقي و هاالشي صحيح و صحي لك (امي عودتنا على الالتزام بمتابعة الحمل و هي كانت ملتزمه بهاالشي)
فصرت استغرب لما اشوف وحده حامل و ماتراجع و تتابع حملها حتى لو قد حابت ١٠ عيال


باالنسبه لك انتي ببداية حملك لازمك المثبت دوفاستون و حمض الفوليك وهذا اهم علاجين لك باالبدايه
المثبت توقفينه لما تقولك دكتورتك متى توقفينها " اللي المفروض انتي تتابعين عندها"
وحمض الفوليك بنهاية الشهر الثالث تكونين اكتفيتي انتي و جنينك ان شاءالله منه


الحديد و الكالسيوم راح تصرفه لك دكتورتك كمان ببداية الشهر الرابع
ولا تؤخذ من بداية الحمل ..


" يقولون" كثرة السونار تضر .. بس انتي مستحيل تسوين سونار اسبوعياً يعني ..!
و متابعتك للحمل بتكون كل شهر او كل ٣ اسابيع


فما تبتعدين عن متابعتك للحمل كله عشان خايفه من السونار لا يضر جنينك ..
اصلاً انتي اذا رحتي موعدك دايماً يسألون متى آخر مره سويتي سونار فيها
او هل سويتي سونار اليوم ؟؟


و بخصوص الغثيان
شفتي الفيتامين b6 بيرودكسين
هذا راح يخفف لك الغثيان مرره اشربي حبه بعد العشا وقبل النوم يعني
وراح تقومين اليوم الثاني امورك اهون ان شاءالله " وهاالغثيان طبيعي بالشهور الاولى و ان شاءالله مابيضر جنينك "

و عن الافرازات بتكون بالاشهر الاولى بيضا احياناً مايله للصفره
و بتنزل معك باالغالب لما تتحركين و تشتغلين او حتى تمشين كثير و تكون من غير ريحة ..


و الله يتمم لك هاالحمل و يفرح قلبك عزيزتي ، و انتبهي ع روحك

ي قلبي انتي والله تسلميييين كفيتي و وفيتي ب اجابتك ������ نشوف راجع الفتره هذي و ان شاء الله الامور تمام �� اللهم امين يعطيك الف عافيه م قصرتي ✋����