[زهرة ال]

انا بس عايزه استفسر عن حاجه واضح من كلامك ان زوجك معاه فلوس ومش عايز يصرف منها طيب طول ممعاه فلوس ليه ياخد منك ده اولا ثانيا انتى زى مانا عارفه من خلال متابعتى لموضوعاتك انك بتشتغلى فى بلد وجوزك فى بلد وانك دلوقتى قايله انك اشتريتى فى بيتك وفرشتى يعنى من الواضح انك انتى اللى بتصرفى انا هقلك نصيحه لوجه الله علشان متجيش تندمى بكره وتقولى ياريت اللى جرى ما كان ياما تلاقى شغل فى بلد جوزك ياما تدوريله هو على شغل فى البلد اللى انتى فيها انتوا الاتنين ان كل واحد فى بلد منكم مش صح وانا مش عايزه اخوفك بس فيه قصص كتير حتى اتعمل منها افلام عن موضوعك ده بصى متمليش ايدك قوى من جوزك المثل قال حرص ولا تخون وياستى تغور الفلوس اللى تبعد اتنين متجوزين عن بعض يعنى انا حتى اللى اعرفه عنك ان انتى وزوجك الى الان زوج وزوجه على الورق ولسه مستنيه الاجازه بالزمه دى عيشه انا عارفه ان كلامى قاسى بس انا زي اختك واحب انصحك عيشى انتى وجوزك على قدكم بس مع بعض واكيد انتى ملاحظه ان الفلوس هتبدا تعملك مشاك يبقى ايه لزمتها وبعدين بصراحه جوزك مش المفروض يخاصمك علشان الموضوع ده مش عايزه اطول عليكى فكرى فى اللى قولتهولك شوفى جوزك وخليكم فى بلد واحده ولو هو بقى رفض انك ترجعى من الغربه وتخليكى معاه يبقى هو كده جوزك مادى واهم حاجه عنده الفلوس ولو رحب وفرح يبقى بيحبك انتى عارفه انا لو منك حتى لو مش ناويه تاخدى القرار ده دلوقتى اختبريه قوليله انا ناويه انهى عقدى وانزل اشتغل وابقى معاك شوفى هيقولك ايه والله من خلال رده وطريقه كلامه هيبان عليه لو فرح فرحه انتى حستيها لو معاكى فعلا فلوس ابعتيله لكن لو حسيتى انه مش مبسوط وقلك اقعدى شويه وكلام من ده يبقى عليه العوض يا حبيبتى لازم نشغل عقلنا وقلبنا مع بعض لانك انتى لسه متعرفيش جوزك كويس لانك معشتيش معاه فتره كافيه حتى اللى فهمته انك اتخطبتى واتجوزتى بسرعه يبقى لازم تتريثى فى اى قرار تاخديه وياريت تردى على كلامى