نحتاج لها سمك حجمه كبير وملياان أي نووع تلقينه مناسب استخدميه لان الصغير راح يجف
واطلبي من راعي السمك يقصه لتس من النص من جانب واحد ويشيل العامود الفقري
بحيث يكون مفتووح مثل الكتاب زي كذا
وللي يجيبونه طازج الله لا يهينتس ظبطيه با البيت
انا شلت الراس وفتحته من البطن وفيه ناس تحتفظ با الراس وتفتحه من الظهر لتس مطلق الحريه ..
نجي للجد طريقة تتبيل السمك وحشوه
اول خطوه نغسل السمك با الملح الخشن والطحين عشان الزفر واذا كان السمك فرش
ما نحتاج ها الخطوه ونقعيه في مويه مع عصير ليمونه وفنجال خل مدة 5 دقايق بس ..
واغسليه ناخذ ثوم كميه انتي تحددينها وزنجبيل ونطحنهم مع ملعقة كركم ورشة ملح خشن
وندهن فيهم بطن السمكه مثل هيك ..ونتركها على جنب ..
نجي للحشوه الاكثر من راائعه
(( نحتاج كزبره وبقدونس وشبت وكراث )) الكميه حسب حجم الحزمه اذا كبيره نصها
واذا صغيره كلها نقطعهم صغار وما يحتاج نورقها + 3 بصلات متوسطه + ملعقة ثوم مطحون
+ طماطه متوسطه + ملعقتين تمر هندي منقووع في مويه مغليه ومصفى + بهارات مشكله
+ فلفل اسود + قرفه مطحونه + ليمون اسود مطحون + ملح خشن + فنجال زيت زيتون ))
نخلط مقادير الحشوه ونتركها 10 دقايق على جنب ..
وهذي هي المقادير جاهزه
ناخذ قصدير ونحط منه طبقتين ونحط عليها شوية زيت زيتون ونفرش السمكه ثم نمد الحشوه اللي فوق
على السمكه ونحط حلقات ليمون وفلفل بارد وندخله للفرن
ونرفع اطراف القصدير عشان السمكه ما تجف ونرفع جوانب القصدير ونغطي بها السمكه
الفرن يكون على حرارة 450 من تحت اذا استوت نبعد القصدير ونحمرها من فوق بس..
مشخول ارز ابيض بالسمك والربيان
بنفسي رحت وشريت السمك من الربوه
روبيان جامبو وسلمون ابيه للدايت والسمك الثاني اسمه غريب ونسيته
طبعا منظف بس حطيت عليه خل ملح وكركم لمدة 3ساعات لالثلاجة مغطى طبعاًوبعدين غسلته زين
هنا قطعت بصل وفلفل رومي احمر وثوم على حسب رغبتك
وهنا بهار وكركم وفلفل احمر ناعم وملح وفلفل اسود وكزبره جافه طحنتها بوقتها
خلطت الخلطتين مع بعض وعصرت ليمونتين
صار كذا الخليط للسمك
وهنا حطيت السمك الكوكتيل وقشور الليمون
لمااجي عند تنظيف السمك يجيني وسواس تدرون بعد صلاة الفجر سويت هالخلطه
وحطيتها بالثلاجة بعد ماغطيت الزبديه باحكام
وهنا بعد شكله بعد مرور 8ساعات
هنا الدقيق اللي بتبل السمك فيه وحطيت كركم وفلفل حار وشوي ملح
والحين تبلت السمك بالدقيق وسبب وضع الكركم فيه يعطي لون للسمك بعد القلي
وهنا بديت اقلي بزيت حار
احب هالرز وبكيف كل وحده ورغبتها نقعت الرز لمدة نص ساعه بماء دافئ وملح لان الماء الدافي وملح يطول حبة الرز بعد السلق
وهنا حطيت ماء حار وكم حبة هيل وقرفه وملح وماجي ابيض قليل جدا ً
وفلفل حار
والحين سلقت الرز وصفيته بالصفايه جيدا خليت الرز نثري حبته مومستوي حيل
هنا وضعت الرز بالقدر نفسه ورشيت عالوجه نص ليمونه وحليب طازج شوي
واتركه على نار هاديه لمدة 10 د
وهنا وزعت عالرز كشنه مكونه من زبده وزبيب وبصل ولوزوليمون
اسود ناعم وتركته لمدة 5دقائق
وهنا بديت اضع الرز في صحن التقديم ..
رجعت لكم هنا وضعت بالخلاط طماط وفلفل حار احمر وشبت حبي
وبقدونس وليمون وملح وبس خلطت
وهنا شكل السلطة
سلطة طحينه وهي ملح وفلفل بصل ابيض وبقدونس وطماط وخل وطحينه وملعقه ك زبادي
مع اضافة ماء وخلطة حتى اسبحت شبه ثقيله
وهنا طريقة تقديمي له من كل الزوايا
على فكرة السلمون المفروض عالبخار او بالفرن بس ماحبيته الامقلي
ملاحظة صغيرة
لريحة السمك حطي قدر عالنار
وضعي فيه قشور برتقال وعيدان قرفه