[romanci_ms22]

المشاركة الأصلية كتبت بواسطة dandanaf

انا ماعرف عن حالتك ولكن حبيت افيدك باللي معاي، انا كيس الحمل عندي نازل مسافه بسيطه جدااااا عن مكانه ولاخبرتني الدكتوره بس أعطتني مثبتات وفوليك، ولما كنت بالشهر الثاني شلت ولدي من سريرة وماشاءالله ثقيل شوي عمره 3 سنين ونص الله يحفظه ، ف نزل معي شوية افراز بني ودم ، لما كلمت الدكتوره وقلتلها انو بينزل معاي كذا (ونسيت اخبرها ان السبب لما شلت ولدي نزل هذا الشي) على طول ردت وقالت أنا هذا اللي كنت خايفه منه لان بصراحه كيس الحمل نازل عندك مسافه بسيطه جدااا عن المكان الطبيعي بس مابغيت اخبرك واخوفك واعطيتك المثبتات ف مدام نزل معاك كذا فهذا اجهاض منذر وقالت مري علي افحصك عشان اتأكد اذا الكيس والجنين بخير ، وبنفس اليوم طلعت من دوامي ورحت لها لما كشفت وشافت الكيس والجنين بخير زادت لي جرعات المثبت واعطتني تحاميل مثبته وقالت يلا ارتاحي اسبوع كامل مافي دوام لان وضعك مايبي اي مجهود، ولما خبرتها انو ماشفت هذا الدم نزل الا لما شلت ولدي ، ارتاحت قالت زين فكرته انو نزل معاك عشان مكان الكيس نازل شوي وخفت ينزل الحمل بس الحمدلله وضعك تمام وكل شي ثابت لحد الان ، وفعلا اخذت المثبتات والحمدلله والشكر لك يارب وقف الدم ووضعي تمام الان ..
وفقط حبيت اذكرلك تجربتي ممكن تستفيدين، لان رغم ان الكيس نازل عند شوي ماخوفتني الدكتوره وقالت يلا نزلي الحمل، بالعكس خافت على صحتي من التوتر اولا وعلى حملي ثانيا ف اعطتني مثبتات وماذكرت السبب، وبالاخير اتضح لي انه المثبتات عشان الكيس نازل شوي وكانت تبي تشوف هل بيثبت مع المثبتات او ربي بيكتب له النزول، والحمدلله على كل حال أنا الان بيالشهر الثالث ووضعي تمام، ف نصيحه اختي روحي شوفي دكتوره ثانيه ، يعني مابيضرك لو اخذتي راي شخص ثاني مختص وان شاءاالله ماراح يصير الا كل خير.

الله يرزقك ماتتمنين..

بجد ارتحت اوى اتديني امل كبير بجد الدكتوره دي اسلوبها وحش انا امبارح كنت بعيط حسيت ان حالتي وحشه اوى اوى و صعبه و يمكن كمان مش احمل تاني خالص