الحمل مهدد بالتسقيط وكيس الحمل فارغ والجنين مايكبر
الحمل مهدد بالتسقيط وكيس الحمل فارغ والجنين مايكبر
السلام عليكم ورحمة الله وبركاته
شونكم بنات ان شاء الله بخير اني كنت حامل من شهرين بس ماحسيت اﻻ وصار عندي نزيف مع الم قليل في بطني ورحت للمستشفى وكالولي بالسونار حمل مهدد باﻻسقاط وكيس حمل فارغ ﻻن طفل خلال اسبوعين ماكبران وانتضري اسبوع اذا ماكبر نزله بس اجاني الم قوي جدا وزاد النزف ورحت عملت السونار تاكدت انه جنين ميت وعملت عمليه تنزل جنين ﻻن ماكدرت انتضر اسبوع من شدة الألم الي اجاني وتعبت كثير ونفسيتي تعبت اكثر ﻻن هذا ثاني مرة يموت الجنيين في بطني على رغم من انو عملت كل تحاليل الجرثومه وطلعت سليمة وهسة خايفة جدا ﻻن ماكدر اتخيل حياتي بدون مااصير أم بس كالتلي دكتورة راح اسويلج تصوير ملون للرحم واخذ مسحة من عنق الرحم حتى نعرف سبب واذا طلعت سليمة يعني شغله يم رب العالمين وماكو سبب
اتمنى تفيدوني اذا وحدة مثل حالتلي ﻻن تفكير والقلق تعبني وخاصة اني حملت بدون منشطات والحمدلله بعني وضعي زين [/center]