الله يرزقك الذرية الصالحة ذكورا واناثا
وتاكدي اذا عملتي بالاسباب واجتهدتي ومايأستي من اول تجربة راح يتحقق مناك
الناس نوعين البعض يتمنى لك الخير وهالنوع اسمعي نصايحهم وخذيها بصدر رحب وابدا لاتتحسسي من كلامهم او تتضايقي تاكدي ان مصلحتك هي دافعهم
والنوع الثاني محبط وشامت حتى لو حملت مره بيقولون لازم تجيبين طفل ثاني ولو جبتي بنت بيقولون جيبي ولد واذا جبتي ولد يقولون يازين البنات ومراح تخلصين من هالموال لان موغرضهم سعادتك مجرد فضول وممكن حسد
تاكدي ان تاخر الحمل اختبار لمدى صبرك ورضاك بقدر الله وقضاءه
لاتحرمين نفسك من الحلم والامنيات والتفاؤل عيشي كل يوم بيومه وتخيلي نفسك بكره حامل وش الشي الي ماسويتيه او ماستمتعي فيه قبل ماتنشغلي بالاطفال واعمليه
وسعي دائرة علاقاتك الايجابيه لان الاهداف مثل العدوى تنتقل بالمجاراة والمحاكاة
وخففي من ارتباطك بالاشخاص السلبيين والمتذمرين عشان ماتوقفين محل ماتوقفوا
وكلمة ختام لو اراد الله لحرمك نعم عظيمة تعيشينها مقابل الذرية لكن عطفه ولطفه وكرمه اسبغ عليك النعم وتاخر الحمل يفتح باب للشكر والذكر والعبادة لاتغلقينه ابدا