السلام عليكم و رحمة الله
كيف حالكم بنات
انا من ثلاثة شهور و زياده نقلت من بيت أختي "احنا كنا مستأجرين عندها"
الى بيت اصغر
بيت اختي كان كبير علينا و نظامه دورين و انا كل ماحملت اعاني منه ، فقلنا نظلع نعطي مجال اختي نستفيد منه و من حجمه مع انها كانت حابه اننا نبقى في بيتها و حاسه بالامان على حلالها
نقلنا شقه جديده
اصحاب العماره يسكنون باالدور الارضي و نحن الثاني
من يوم كلمنا مكتب العقار قال لنا اهل البيت يريدون ناس ماعندهم عيال لانهم ساكنين تحت و يبون ناس نظاف و مايخربون البيت و لا يزعجون "انبسطنا انا و زوجي قلنا عز الطلب قلنا شكلهم اهل البيت هاديين و ناس مرتبين عشان كذا يبغون ناس زيهم " لان كنا ندور بيت اهله مهتمين و نظاف ايضاً و هاديين
بعد معاناتنا في اول بيت سكناه بعد زواجنا و قبل مانسكن بيت اختي ،
المهم
بعد سكننا بشهر انتقلو اهل البيت لبيتهم و سكنو
يابنات ريحة المعسل تملا البيت و اصواتهم طالعه عندنا
و سوالفهم و رقص و طقطقه و تشجيع
و المشكله اغلبهم بنات مع امهم
انواع الازعاج و القرف يابنات
و المعسل ريحته في العماره كلها ، و اصواتهم فوق عندنا صراخ و ضحك و مياصه
في احد الايام من هالعيد
الصوت زاد مرره و الضحك و الروائح و الغناء و اظن جايبين اكبر سماعه في البلد
انا وصلت حدي كانت الساعه 2:30بعد منتصف الليل
ارسلت لامهم كيف الحال و عيدك مبارك اعتذر ولكن الاصوات ادت عن حدها
اتمنى تتفهمون و تنقصون للصوت شوي
ارسلت لي عندي ضيوف و البنات فرحانين و الدنيا عيد !!!!' 🙂
انا صُدمت من ردها و حسيت نفسي اني تلقفت و البيت هو بيتهم
و كمان مو عارفه كيف اتصرف مع همجيتهم هذي
دائما نفس الحاله كل ويك إند ماارتحت الا في رمضان
بعض خواتي قالوا ليه كلمتيها و عيب ، و زوجي قال عادي و زين جت منك و انا محتاره صراحه
كيف اتعامل معهم
و هل اللي سويته انا صح او تعدي على حقهم
و كيف نفهمهم ان كل هالاشياء تزعجنا اذا كان شافو ان كلامي عن الاصوات تدخل
و احس انها ماتقبلت انتقادي و هذا ولضح من طريقة ردها علي في الرساله
شورو علي وضحو لي الموضوع و كيف اتعامل مع هالاشكال
و هل مافعلته انا غلط ام لا ...😪
شاكره لكم