السلام عليكم و وحمة الله و بركاته
كيفكم جميلات ان شاء الله طيبين !
بقولكم قصتي و دلوني
انا دورتي منتظمه الحمدلله 28 يوم
الشهر الي فات جاني الم فضيع و رحت للمرخه قالت الرحم نازل و رفعته بدون ماتربط شي يومين بس لاني ما استحملت الالم
و من يومها و انا اشرب زنجبيل لان قرات انه منشط لليوم ال 15 من الدوره
فاليوم ال13 وقت ال.. جاني الم فضيع جهة اليسار و جلس شوي و راح و جا اليوم الي بعده الم زي الدوره مغص
فاليوم ال17جاتني نغزات فاليسار و شويه للنص شويه لليمين ماكان منتظم نغزات قليله و راحت
فاليوم ال20 ما كان فيني اي شي فجاه راسي ثقل و لساني و دخت جسمي فجاه صار ثقيل و خفقان و زغلله
م كنت اقدر اتكلم رحت المستشفى قالو انخفاض بسيط ف الضغط و التهاب بسيط كمان فالبول
استغربت انه الضغط نزل لان كنت ماكله كويس و م فيني شي و اول مرا يصير معايا كذا من وقتها معايا زي الطعم المعدني ف الفم و غثيان و م اشتهي الاكل
نسيت اذكر المستشفى سوولي تحليل دم انا م كنت حابه لانه باقي ع الدوره 9 ايام
و فعلا كان نيقاتيف
اليوم الي بعده 21 الساعه 10 ف الليل جاني زي الم الدوره نمت لما قمت حسيته خف و راح
اليوم 22 قمت م احس بشي بس مسكت بطني كانت لسى قاسيه معايا اسهال الله يكرمكم كنت متحمسه على طرييقة وضع البول ف الفريزر و للاسف تجمد بس طريقة السره اول ماكنت احس بنبض دحين احس بنبض ضعيف جدا
باقي على دورتي 7 ايام و احس اني حامل بس مدري اللي سويتها حطمتني
مين صار معاها زيي و طلعت حامل
نفسي اسوي الهرموني عشان ارتاح بس عشان زوجي نظرة عينه وقت مالتحليل يطلع نيقاتيف تقتلني :/
الله يسعدكم و يريحكم جميعا و يرزقنا الذريه الصالحه المعافاه و كل من قال امين â¤â¤