السلام عليكم صبايا ان شاء الله اموركم تمام
رح ادخل بالموضوع يوم تلاتاء عملت صورة الملونه اي اشعه صبغه ليها عده اسماء ممكن تختلف من بلد لتاني المهم من فترة طويله لازم اعملها بس تتأجل كل مرة
اجى الوقت وعملتها يوم تلاتاء
قرأت عنها كتير خفت بس توكلت ع ربنا
لاخر لحظه كنت كتير متوترة امي وزوجي ودكتورتي كانو معي وخففوا عني توتر الحمد لله...توكلت ع رب العالمين
لما دخلت وجهزتني دكتورة لعمل اشعه الصبغه حسيت كاني بحلم وعالم اخر حسيت اني يمكن اموت مااعرف ليش هل احساس..يمكن تقوله اني عم بالغ بس صدقا هاد يلي كنت بحسه بهل وقت
بلشت بعمل الاشعه ماتألمت اولها وبعدها اجى الالم الفظيع يلي خلاني اتألم بصوت عالي لاول مرة لانه الم فظيع ..الحمد لله ع كل حال
خلصت الاشعه قامت دكتورتي وقفت جمبي لاني ماقدرت احكي ولازم ارتاح بعدها بفترة المهم كانت بحدي تحكي معي لحتى مااغيب عن الوعي ممكن من زياده توتر صدقا والالم الفظيع
حكتلي انه عندي انبوب فاتح طبيعي مشت فيه الماده اما الانبوب تاني الحمد لله مغلق باحكام حاولت تضغط لتفتحه بس مامشي الحال لاني تألمت كتير
حكتلي رح نتابع تبويض ونشوف ونركز ع المنطقه الطبيعيه وقت حدوث التبويض ..سالتها ليش عندي تسكير (اغلاق تام)بالقناه حكتلي بكون من زمان من شده الالتهاب بيعمل هيك
الحمد لله ع كل حال رح تابع وزوجي لساته بياخد علاجه ذكرت هالشي بكتاباتي سابقه
اسفه طولت عليكم كتير بالكتابه سامحوني
حبيت انقل كل يلي صار معي
بس بدي منكم تدعولي تدعموني تطمنوني مين صار معها متلي وحملت طبيعي ياريت تفيدوني من هالناحيه
ربي يرزقكم جميعا بالذرية صالحه عاجلا ليس اجلا