ديري بالج من الصبغات انصحج نصيحة وحده سوت صبغه وتأثر جنينها
وقالوا لها احتمال يموت لان الصبغة فيها مواد كيماوية ترا الحمل 9 شهور والصبر زين ومفتاح الفرج
ليش نستعيل اوكي الحنه زينه لانها من الاعشاب وماعتقد بتضر
اما الصبغات والكراتين والبروتين للشعر خطر
وحده من ربيعاتي تقول لي عن الكراتين كانت حامل فالشهر 3
راحت للصالون تعمل الكراتين لكن ماخبرت الكوافيره انها حامل
وتوفى الجنين في بطنها
في ناس تتمنى الحمل وان الله يرزقها ولازم نحن الحوامل نحافظ ع هل النعمة
وصح بقولج عن نفسي انتي شعرك ممكن تغطينه اما انا جاتني حساسيه تحت عيوني واثرت علي وايد
وتوقفت عن المكياج و الكحل سبب لي اسوداد واحمرار تحت عيني والكل كان يلاحظ واتفشل بس اطنش واقولهم بسبب الحمل ...
وكلت امري لله ورحت للدكتوه بس ماستفدت رحت واشتريت كريم مرطب اسمه جلسرين معروف
والحمدلله رب العالمين واااااااايد فادني وخفف لي الاحمرار..
حبيبتي لازم الوحده يوم تكون حامل تصبر ع كل شي وتتحمل كله هذا اجر وثواب لله ان شاءالله
والله يصبر كل حامل ويرزق كل بنت بالحمل القريب العاجل..
واتمنى حبيبتي فهمتي قصدي لو ما اتمنى لك الخير ماتميت اشرحلك
وسمحيلي ع الاطاله.....
والله يثبت كل حامل والله يسهل لكل حامل.....