السلام عليكم ورحمة الله وبركاته
مبارك عليكم العيد
خواتي عندي مشكلة حيل مأزمتني
عندي بنت عمرها خمس سنوات حرارتها حيل مرتفعة اخذتها الطبيب
كتب لها على تحاميل وشراب
روشتها وعطيتها الشراب ونامت رجعت اطمن عليها لقيت الحرارة نار
صحيتها من النوم عشان احط لها تحميلة البنت قامت تبكي وترفض التحميلة فناديت الشغالة
مسكتها لي وعطيتها غصب والحمدلله الحرارة نزلت طبعا راح استمر على الدوا ثلاثة ايام
ماودي استخدم معاها القوة وماودي احرجها وأخلي الخدامة تمسكها خوفا من ان يتسبب لها بأذى نفسي
ولكن مظطرة
فيدوني من خبراتكم كيف اقنعها ان التحميلة في مصلحتها بغيت طرق تحببها ف الدوا اكيد في احد مر بهالتجربة
وايش سبب النفور
ويارب حقق للي تساعدني اللي تتمناه