السلام عليكم كيفكم أخواتي اليوم ماعندي شي استفسر عليه حابة فضفض وعارفة كلكم رح تحسو فيني لأنكم يا كنتو بنفس وضعي أو أنتم حاليا مثلي ( الله يرزقنا ) صرلي سنتين ونص متزوجة وقت سجلت بالمنتدى كنت متزوجة من سنة و3 شهور وقتها فكرت حالي رح أحمل وهاالعيد بيكون بنتي أو أبني ف حضني و وجعلكم رأسكم ب استفسارات ع البيبي بس الحمد لله اللهم لا اعتراض طول السنة اللي مضت وأنا مطمنة أن خلاص قربت احمل وكل شهر تنزل فيه دورة كنت استقبلها بروح رياضية ماعاد أزعل بس هالشهر غييييير رغم أن لسا موعد دورة لكن خايفة تنزل خايفة شوفها مو حابة شوفها لأني رح اضايق خلااااص تعبت نفسي جرب احساس الخطين واتوحم واتعب وامرض عاااادي رح اتحمل المهم أسمي حااااامل ورح جيب ولاد مثل كل النسوان ولا عمري توقعت أن اتأخر ع حمل استغفر الله مو اعتراض والله راضية بحكم ربي العالمين ولعله خيرة لي .. زوجي مثلي نفسو ف بيبي بس مافي حدا منا بيحسس التاني دائما بنخبي ع بعض بس حاسين ببعض صابرين ومحتسبين الحمد لله أنا مابدي منكم شي غير تتدعولي واطمنوني مضايقة ومو قادرة اشكي لحدا كلو ف قلبي مابدي حدا يشفق عليا اللي بيسألني بقولو شو بدي بوجع الرأس لاحقة ع الأطفال وأنا من داخلي بقول بدي وجع الرأس بتمنى العب معاهم خانقهم عاتبهم نيمهم واكلهم واطلع معهم ويصير أسمي أم فلان وأم فلانة وحتى بحلم زوجهم وافرحهم فيهم يارب يتحقق حلمي عن قريب يااااارب ويلي مضايقني أكتر عندي مناسبة قريبة ف عيلتي ورح يجو يلي تزوجو معي وجابو وولاد وفي منهم حوامل مرة تانية يشهد الله عليييي أني فرحتلهم من قلبي ولا عمري سألت متأخرة حملت أو لا أو ولد ولا بنت أو جيبي غيرو مابحب ادخل بس هما ادخلو فيني الله يسامحهم مابعرف كيف رح تمر المناسبة عليا رح ظل ابتسم وكأن مافي شي هذا الحل الوحيد أمانة اخواتي ادعولي وأنا مارح انساكم من دعائي أسفة لو ضايقتكم معي أو حسستكم بمعاناتكم وذكرتكم فيها بس ماعندي غيركم أشكيلهم يلي بقلبي