منتديات حوامل النسائية - عرض مشاركة واحدة - اول مشاركة لي ردوا علي الله يرضى عليكم 💔💔

Hind alshehri · 03-03-2018, 11:58 AM

السلام عليكم ورحمة الله

اخواتي هذا اول دخول لي على منتداكم الطيب واول مشاركة اتمنى تعطوني من وقتكم شوي
انا متزوجة من ثلاث سنوات وماكتب لي ربي الحمل الحمدلله الا قبل شهرين تقريباً
كنت اخذ كلوميد و تأخرت علي الدورة ثلاث اسابيع وماكنت ادري بحملي
وسافرت ورجعت نقلت من بيتي وتعرفون شغل النقل
تعبت من ظهري مره ورحت المستشفى قالت الدكتورة انتي حامل بس لازم ينزل هذا اجهاض وحمل ضعيف واعطتني حبوب حمض الفوليك قالت ضروري اخذها عشان مااعاني من فقر الدم والحمدلله على قضائه وقدره ..
ومع التحاليل والسونار الداخلي والخارجي الحمدلله كل الهرمونات تمام بس عندي بويضات بحجم صغير توصل لحجم معين وتنزل حتى لو تم حمل احتمالية الاجهاض كبيرة لو وصلت بالشهر 6 او 7
وقررت الدكتورة تعطيني ابر منشطة لمده اربع ايام مع متابعة التبويض وكانت عندي بويضتين
حجمهم 19. 20 وبعدها اعطتني ابرة تفجير قوتها 10000 وحبوب دوفاستون حبتين باليوم لمده اسبوعين
وهالحين لي 19 يوم بعد الابرة مره متألمه من ظهري واحس بتعب وثقل في بطني وتجيني نغزات تذبح في جنبي اليمين لان البويضتين على اليمين ويجي الم الدورة ويروح وبالعادة كل دورة قبل تنزل احس بألم في صدري لدرجة مااتحمل المسه بس هالمره مااحس فيه بأي الم !!
و سويت تحليل منزلي يوم 14 بعد الابرة التفجيرية وطلع سالب
وهالحين الدورة متأخره ثلاث ايام ونزل اليوم عزكم الله افرازات بنيه وبعدها ترجع تنزل افرازات بيضاء وشوي شي كأنه مويه
وعندي موعد هالاسبوع مع الدكتورة وقبلها طلبت اسوي تحليل حمل هرموني رقمي

بسألكم يااخواتي مين صار معها كذا بعد الابر المنشطة والابر التفجيرية ؟؟!
واللي تم عليها الله بالحمل ايش الاعراض اللي مرت فيها
الله يسعدكم ويرضى عليكم علموني
متوترة واقول يالله في مكتوب خير وعافية

لعل الله يكتب الخير ويطلع حمل يارب يرزقني ويرزق كل منتظره بالتوئم السليم المعافي البار