[أمنية طفل]

السلام عليكم

شخباركم بنات

اليوم أول مشاركة لي ف هالمنتدى .. سابقاً كان لي مرور ببعض مواضيع الحمل بس هذي اول مرة اشارك فيها عشان اكتب موضوعي

مثل ما قريتون العنوان .. بكرة بيصير لي 11 يوم من ترجيع اجنة مجمدة
طبعاً رجعت جنينين فقط لأن قانون البحرين ما يسمح بأكثر من جنينين للوحدة اللي تحت 35 سنة

بتكلم اول شي عن الادوية الا اخذها

1- بودرة بروكسيد الوردي .. خذيتها من قبل شهر و نص تقريباً
2- فوليك أسيد .. بعد شهر و نص تقريباً
3- اسبرين .. شهر و نص تقريباً
4- estrofem2mg تقريباً ثلاث اسابيع
5- pexanole-5 .. تقريباً ثلاث اسابيع
6- دافستون .. اسبوعين .. من اول ما تحدد يوم الترجيع
7- تحميلة جل كرينون 8٪ .. اسبوعين .. من اول ما تحدد يوم الترجيع

هذي كل الادوية الا استخدمها

رجعت اجنتي الله يثبتهم لي و يبشرني بحملهم السليم التام يوم السبت تاريخ 25/5/2019
حسيت بتعب و آلام تشبه آلام الدورة بالضبط و وخز ف الصدر و آلام الطهر
مع العلم ان دورتي المعتادة تاريخ 7 كل شهر تنزل .. و الدورة الا نزلتها لي الدكتورة قبل العلاج نزلت تاريخ 1/5/2019
و لو بحسب دورتي على تاريخ دورة الدكتورة بتكون دورتي متأخرة لأن المفروض تنزل لي 29/5/2019 بحسب برنامج حساب الدورة

و الحين بكرة عيد و بعد بكرة المفروض تحليلي .. خليت ريلي يشتريلي من الصيدليه تحليل و خايفه احلل بكرة

عطوني آرائكم و دعواتكم حبيباتي ♥