هلا أختي
انا تقريبا حالتي قريبه من حالتك
بعد زواجي بسنتين كشفنا
وطلعت سليمه بس زوجي قالوا عنده إنعدام بالحيوانات المنويه
وياهي صدمه
الحمد لله على كل حال
بس املنا بالله كبير
وصار ياخذ عسل وطلع النخل
بمقادير محدده ولمدة 3شهور
وبعدها حلل عند مختص بأمراض الذكورة طلع والحمد لله عنده قلة بعدد الحيوانات المنويه
كان 40مليون
ونصحنا الدكتور بإجراء أطفال الانابيب
وعملناها
وتمت كل الخطوات بنجاح
وتلقحت البويضات بالحيوانات المنويه
ورجعوا البويضات الملقحه
يعني الحمد لله نجحت
وبانتظار الاربع عشر يوم لكي يتبين بعدها الحمل من عدمه
ومرت 10 ايام
بس ربي ماكتب ونزلت علي الدورة
بس انا قبلها مشيت بسوق وشلت شئ ثقيل أتوقع هذا السبب اللي نزل أجنتي
والحمد لله على كل حال
بس أعرف وحده بمنتدانا ماشاء الله عادت العمليه للمرة الثانيه ونجحت وهي الحين حامل ماشاء الله تبارك الله
الله يثبت حملها ويرزقها ويرزقنا الذرية الطيبة من عنده يارب..
وأي استفسار اختي لاتترددين