[amoolh]

تولدي بسلامه ان شاء الله انا بعد بكريه مثلك وبعد الدراسه لمده تسعه اشهر والبحث والاستفسار من النت ومن الاقارب والصديقات قررت على التالي:

اللي راح امتنع عنه ::

شوفي الحوامض وقت النفاس يقلون لك ماهي زينه يعني ابتعدي عنها بالذات اللليمون
المشروبات البارده ابتعدي تماما عنها وكمان النشويات يعني حاولي الخبز اللي تاكينه يكون اسمر لان الابيض يسبب لك انتفخات بالبطن والجوع لاتجوعين نفسك ...


المشروبات راح تكون:

*يانسون مع الحلبه لان اليانسون يخفف من ريحه الحلبه حتى لو فيه ريحه عادي اهم شي عظامك يتقوى لان الحلبه زينه للعظام وللبشره بعد طبعا راح اشربها لمده اسبوعين فقط لانها تمتن وبعدها راح اتركها..

*قهوه القشر طبعا حلوه هاذي كل يوم راح اشرب منها لين اخلص الاربعين ويقولون اذا حطيتي معها ملعقه صغيره قرنفل تشيل الكرش وراح اجرب ان شاء الله ..
*شمر وقرفه ويانسون كمون وحليب بالاضافه الى ماسبق وترى اللخبطه كثير ماتصلح زي ماقال الدكتور جابر القحطاني

وسوي لك عصير اي شي تحبينه اذا مليت من القهاوي .
______________

مع قهوه القشر راح اكل تمره النفاس اللي ذكرتها وحده هنا بالمنتدى اللله يجزاها خير بس مو فاكره اسمه وهي تمر معجون وتحطين عليه سمن وتعجنينه وتحطين رشاد هاذي جهزتها من الحين حتى للمستشفى اخذت علبه صغيره وحطيت شوي منها علشان اكلها اذا جعت
________________________

المأكولات::

*عريكه بالعسل اكيد بس ماراح اكثر

*شوربات وان شاء الله اكثر اكلي راح اخليه شوربات طبعا نوعي خذي من الشوربات الجاهزه حقت اكنور ولا عادي خلي امك تسوي لك شوربه خضار ومره شوربه عدس ومره شوربه عاديه وهيك اريح لك

* مطازيز بس بعد ماراح اكثر وايدامات وووعاد مدري بعد بس اكيد امي راح تطبخ لي اهي ابخص هههههه

* اللحم تراه زين لك يشد الظهر سوي لحم على مرق ..

وبس اتمنى افدتك ويااارب اني مانسيت شي ولا تلخبطين واجد عادي جدا بس كوني حريصه على نفسك ولا تسوين خرابيط زي البخور ومدري ايش وتحطين مر تره يسمر المنطقه ويشدها يعني ماينفع مع الخياط خذي مرهم تصرفه لك الدكتوره وبس والشراب لاتنزل من رجولك وكمان اللبسي سروال قطني طويل يدفيك علشان الهوا ترى اهم شي الرجول وشفي الاجانب مشاء الله مايخربطون زينا احنا وقت النفاس ناكل ماهب ودب وكلها نشويات وسكريات واعشاب ومدري ايش وبالاخير مانطلع بفايده ياتطلعين دوووبا يتطلعين تعبانه ...