الله يعينك
انا انصحك انك تتحملينه وتروحين فترة نقاهة عند اهلك كم يوم عشان يشتاق لك وتشتاقين له
واذا ماقدرت حاولي تتغنجين لة وفيه طريقه اذا سويتيه يمكن يعجبه
ابتسمي وطلعي فيه وعيونك كلها حب
وخليك مواصله بالنظر وهو بينتبه لك واذا قال وش فيك تطالعيني قولي احبك وخلي كلامك كله رومنسي واذا ماتجاوب لاتكشرين لازم تحسسينه بالحب
ولاتشكين من امه وخلي الوقت اللي يجلسه على النت لاتضايقينه
اساليه وش يشرب انا عارفه ان الشي اللي يسويه يقهر بس حاولي انك تشغلينه عن النت
يعني لاتحسسينة انك متضايقه اخدميه واجلسي تقهوي معاه وتسوي حلا والا اي شي ياكله عشان مايصير يطقطق عليه وزي ماقلت لك من اول لاتكشرين بوجهة انتي حاولي تتحكمين بعواطفك شوي واستمري كم يوم وهو صدقيني راح يتغير
اما اذا عن طلعاته مع ربعه مالك الا الصبر وحاولي تودعينه من عند الباب وتقولين انتبه لنفسك
ولاتتاخر على انتظرك وكلي شوق واذا جاء حتى لو متاخر لاتهاوشينه احضنيه وقولي اشتقت لك وحضري الغرفه وعطري الفراش
صدقيني حبه حبه بيتعدل بس ماقولك في يوم وليله لازم تصبرين
انتي طبقي اللي اقوله وصدقيني راح يتعدل معاك
الرجال زي الاطفال لازم انك تطولين بالك عليهم وتعاملينهم بذكاء
احنا الحريم عيبنا اذا تضايقنا منهم نصير نتحلطم ونشكي ونحسسهم بغصبنا واحنا بهذي الطريقه نقعد الامور