العصيد باللبن المقادير دقيق الذرة ا و بر بلدي ذرة ملح ماء الطريقة نجيب طاسه غريقة شوي ونصب فيها كاس ونص ماء ونحط في الماء الملح ونحطة عالنار نخلية عالنار لين تبداء تغلي الماء ونسكب دقيق الذرة شوي شوي واحنا نحرك باللمحواش اللي حطت صورت اختي ام حمزه في طريقة عمل الهريش , لين يبدا يتماسك معاي الدقيق ويصير معاي عصيدة لينة شوفوا كيف صارت العجينة متماسكة مقادير اللبن زبادي وتقدري تستخدمي الحقين فص ثوم بسباس اخضر ((فلفل اخضر))كبزرة ونعنة خضراء طماطم نخلطهم بالخلاط ونظيفهم للزبادي ونخلطة وهذي صورة اللبن عفوا الصور مش واضحة تمام تصوير موبايل ملاحظة العصيد يتاكل كمان باللمرق او الزحاوق مع الليمون وفي ناس تحبة مع حليب وسمنة الملوح والرشوش المقادير 4 اكواب دقيق ابيض ملعقتين حليب بودره او نص كوب حليب سائل قليل ملح ماء على حسب العجين الطريقة تخلط المقادير مع بعض وتعجن بالماء حتى تصبح لدينا عجينه ملساء ناعمة شوي نستطيع ان نتحكم بها وسهله في الفرد ونتركها ترتاح لفتره كما تحبين وهذا اختياري ونقسمها الى اربعة او خمسة اقسام على شكل كور >>كبب وبعد ان نقسمها نتركها ترتاح شوي يعني مثلا 10 دقائق حتى نستطيع ان نفردها بسهوله وبعد ماترتاح العجين شوية نمسح الرخامة اللي بنفرد فيها العجينة بشوي زيت ونجيب كوة عجين ونفردها نص فرد وبعدين نحط فوقها كورة ثانية ونضغط تكون شكلها شبة مفرودة ونجيب الكورة الثالثة ونفردها بعدين تمام ونفتحها باليد ونشية ونحطها بالليد في التنور ونخليها الا ان تحمر ونطلعها هذا الملوح اما الرشوش نفس المقادير والطريقة بس طريقة الفرد ثانية بعد مانقسم العجينة على شكل كور ونخليها ترتاح نجيب كورة عجين ونفردها نص فرد بعدين نجيب عجينة ثانية ونعمل منها حلزوني فوق العجينة الاولة ونضغط عليهم ونجيب عجينة ثالثة ونحطها فوق الشكل الحلزوني وفردها شوي ونجيب الرابعة ونسوي شكل حلزوني ونفردها الان تمام ونحطها في التنور ونخليها تحمر وبالعافية ملاحظة : بين كل طبقة وطبقة ندهن بسمن سايح البطاط بالدقة ((اللحم المفروم)) الطبيخ المقادير بطاطا مقطعة مكعبات صغيرة ومقلية بالزيت زي اللي في الصورة كبزرو وبقدونس مفرومين فرم ناعم ثوم بصلة متوسطة طماطم هذولا نعصرهم بالخلاط ماعدا الثوم يندق بالهاون ونطبخهم عادي بالزيت حت يصيروا زي صلصة الطماطم ملعقة صغيرة كمون نصف ملعقة صغيرة فلفل اسود احنا نسمية حوايج ولحم مفروم الطريقة نحمي المقلاة ونصب فيها شوي بس زيت ونحط علية الكبزرة والبقدونس المفروم مع الثوم المدقوقة ونخلية شوي بس على نار هادئة جدا جدا وبعدين نحط علية اللحم المفروم ونقعد نحش فية لين تحسي ان لونة بدا يتغير شوي ونحط علية الطماطم مع البصل المعصور اللي قد نضجناها من قبل بين الزيت ونحش من جديد ونضيف لة ربع الكاس ماء علشان تنضج الدقة >>اللحم المفروم ونخلية لييين ينشف تمام مع التقليب المستمر بعدين نضيف لة البطاطا المقلية ونخلطهم مع بعض ويصير الطبيخ جااهز خبز الطاوة المقادير كوب دقيق + كوب بر اسمر شوي زيت وشوي سمن سايح هذولا نستخدمهم لفرد العجينة فقط ماء للعجن على حسب الحاجة الطريقة نعجن البر والدقيق بالماء مع شوي ملح لين تصير معانا عجينة متماسكة مايلة للقساوة بعدين نقطعها لكور صغيرة بعدين ندهن الطاولة بزيت و ناخذ كورة عجين وحدة ونفردها بالنشابة بعد مانفردها ندهنها بلسمن السايح نثنيها بهذي الطريقة ونثني الطرف الثاني كمان شوفوا الطريقة في الصور بعد مانسوي العجين كامل نحط تحتهم كيس بلاستيك و نغطيهم بكيس بلاستيك ثاني بعد مانخليهم يرتاحوا شوي نجيئ نفردهم بلنشابة طبعا ندهن الطاولة اللي بنفرد فيها العجين بسمن وفي اثنا مااحنا نفرد العجينة تكون الطاوة على النار بتحمئ وندهنها بشوي جدا زيت بعد مانفرد العجينة نحطها في الطاوة ((ناس تسمية الصاج ))((وناس تسمية المقلاة )) نحط العجينة فوق المقلاة وهوة ساخن ونخليها لين تبدا تحمر ونقلبها على الوجة الثاني ونحمرة وبعدين نشيلها وتصير جاهزة أخيـــراً انتهيـــت..أتمنى يعجبكــم وبالهنا والشفا