[هنادي تنادي]

هلا والله بكم جميع ..

وش أخباركم بنوتات صغار وأمهات كبار <<< كأني بأكاديمية ألقي محاضرة

المهم:

لمن ربي وفقها ورزقها بولد سواء ذكر أو أنثى متى تطلعينه من غرفة النوم حقتك ؟؟ وكيف لبسكم أمامه ؟؟ ومتى تحسين أنك تخجلي من عيونه>> يعني أنه بدأ يفهم الحركات؟؟ وهل سبق شافك أحد من أولادك في وضع العشرة مع زوجك؟؟ولو كان نعم كيف تصرفتي ؟؟

رجاء المشاركة والإثراء لأن هذا الشيء يصير لنا كلنا .. ونبي نعرف التصرف الأمثل ..

أنا عن نفسي طلعت ولدي الأول لما صار عمره سنتين ونصف لأنه كان لوحده وماقدرت أخليه لوحده ينام بس من بعد ماصار عمره سنه وأنا في حالة يرثى لها لأني مستحيل ألبس لبس نوم حتى ينام ولا يقربني زوجي إلا إذا سمع شخيره وإلا نطلع غرفة ثانية .. ومره قام فجأة ورغم إنه كنا متغطين إلا إنه للحين أحسه فاهم رغم إن ها الشيء مستحيل بس ندمانة للحين .. اما الولد الثاني من عمره ست شهور طلعته مع أخوه وعندهم الجهاز أسمع نومتهم وأرتحت ألبس ما أبي وأسوي كل ماببالي والحمد لله ..

أما اللبس أمامهم مستحيل الآن فقط مسموح قبل تمام السنة وبس ..

وحياكم الله مرة ثانية.