[حجازيه]

تختلف الأعراض من وحده للثانيه

بس عن نفسي أنآ كنت عند أهلي جآلسه أمسح مع أمي الجدران استعدادآ لولادتي

وماكان فيا أي ألم لما خلصت تمسيح وجلست حسيت بآلام زي ألام الدوره بس أخف

ما توقعت انها ولاده أبدآ بس بما إني بكريه دقيت ع زوجي قلتله ترا فيا ألام خفيفه تروح

وتجي ~ ماقلت لأمي عشان لا تخاف وحتى أمي ملاحظت علي ,, جا زوجي اخذني ورحنا البيت

لما رحت البيت راح الألم نهائيا قلت لزوجي خلاص مو لازم نروح المستشفى بس هو أصر اننا

نروح عشان نتطمن قلتله طيب > كنت غبيه لا أخذت لا شنطة ولا شي رايحه كذا بس

روحتلها كشفت علي قالت خلاااااااااااص ولاده 7 سم مفتوح يؤيؤيؤيؤ قلتلها طيب انا مافيا ألم

ولا في مويه تنزل قالت هاذي من رحمة ربنا بيكي وعلى طول ع الكشك فقشت المويه ونزل الراس

وتمت الولاده .. ولادتي كانت متسهله الحمد لله وبضرف ساعه ونص بس ولدت وهاذا كله بفضل

الله ثم الرطب عليكم بالرطب يابنات .