[جيسكا]

السلام عليكم ورحمة الله وبركاته

انا اول مرة ادخل المنتدى هذا وبحكيكم قصتي الحزينة انا الحين في حالة إكتئاب وحزن شديد
طبعأ أنا ليا سنة ونص متزوجة مع العلم انو معاي مرض السكر ربي رزقني بحملي الاول في الشهور الاولى وطاح وبعدها بثلاثة أشهر حملت بإبني وكملت لحد التاسع
وقررت اني اروح اولد عند اهلي
أمي كانت فرحانة بالمره المهم جهزنالو كل شي
ورحت المستشفى عشان أفتح ملف وطمنتني الدكتورة وقالت كل شي تمام بس بكرة تجيني عشان نحدد كيفية الولادة طبيعية ولا قيصريه
ورحت وكانت المصيبة قالت الدكتورة بكل برود إنتي متى أخر مرة حسيتي بحركته قلتلها يوم قمت اصلي الفجر بعدين قالت أطلعي أطلعي على الجهاز مرة ثانية
والله يابنات ماتحسو ايش شعوري يوم قالتي الجنين مافيلو نبض
أمي على طول بكيت أنا مومصدقه ولانزلت مني دمعه وحده ,واتصلت على زوجي بس أول مارجعت البيت جلست ابكي في حضن ابوية
الحمدلله
مادريت ايش اسوي وقتها واستنيت اسبوع واناعارفة انو ميت ببطني طبعأ رحت لدكتورة ثانية غير اللي قاللتي انو ولدي مات بطريقة سيئة وجاني الطلق على أخر يوم في نهاية التاسع
انا حاسه بحزن شديد وكل يوم ابكي
يمكن انا أكون السبب بموتو لأنو معايا السكر
يمكن ويمكن ويمكن .........ساعدوني على إجتياز المحنة
وهل صحيح انو مات بسبب السكر