[نبض قلب حمني]

المشاركة الأصلية كتبت بواسطة ام اسكندر

انا مازلت في النفاس
قبل ولادتي وانا بالتاسع اجتمعت مع اهلي وجيراني وسويت كمية كبيرة من المعجنات حطيناها بالفريزر عشان الضيوف بفترة النفاس
ماشالله ليا للان شهر ومازال باقي بالفريزر

اما أكلي انا
تسويلي امي دايما فتة من الحبوب السمراء
الي هيا البر اوالذرة او الدخن
تخبزها بالفرن مرة بالاسبوع تسوي كمية وترجع تفتهم بعصارة البصل وتقسمهم باكياس بالفريزر وتخرج لي مع كل وجبة
مرة تسويلي الفتة بالحليب ومرة باللبن ومرة بالسمن والعسل ومرة بالمرق
تقول ان ذا الي يشد الجسم والظهر ويغذي وينفع

وما اشرب بارد ابدى عشان انه يزيد الكرشة
خليت تحت سريري كرتون مويا عشان اشربه معتدل
كلما يخلص يجيبولي كرتون غيره

وبالنسبة للاعشاب انقع واشرب مرة كل يوم
وكمان امسح فيها الجرح حق العملية
نفعته والتأم بسرعة

اما الخلطات كل يوم اسوي شي لوجهي
نشا +ماء ورد
عسل
زبادي+خيار

جسمي اتروش كل يوم وامسح مناطق السواد بليمون
واسوي صابون مغربي كمان

شعري كل يومين ادهنه بنوع من الزيت ( زيت زيتون- خروع- لوز- عافية)
ادهنه الليل واغسله الصبح واسيبه يومين يرتاح

وناوية ان شاء الله اجيب ممرخة لي ولولدي

اشتريت الصبغة
وانشالله قبل الاربعين بشوية ايام اقص شعري واصبغه

وحجزت محنية تجي تنقشني بالحناء قبلما يخلص الاربعين بيومين

وخرجت اشتريت فستان قصير ناعم عشان لمن ارجع عند زوجي يشوفني عروسة
واشتريت روب نوم جديد كمان
وبالمرة اشتريت ملابس اكبر لولدي لانه كبر ماشالله

ماشاء الله عليك
شئ حلو مرررررررررره
مهتمه بحالك
ان شاء الله كلنا نسوي مثلك
وتسلمين ع الخلطات