اهلين بنات
معقول على هالكثر مشاهدات مافيه الا كم رد؟؟؟؟
ع العموم باانتضار البقيه
انا حبيت اعلمكم عن خلطه كنت استعملها فترة الخطوبه وقبل الزواج
وربي كانت خيااااااااال وعن تجربتي
وان شاء الله بسويها بعد الولاده
وهي سهله مره وكل شئ موجود عندك بالبيت
وهي تستعمل للوجه
تنفع للي بشرتها باهته ومسمره
1.ملعقة اكل روب يفضل انه يكون قديم(محمض) ومافيه مشكله لو صار جديد عادي
2.عصير ربع برتقالة حامضه.(مو حلوة)
3.ملعقة اكل عسل ابيض او اى عسل موجود عندكم فى البيت..
الطريقه:-نخلط الروب بالملعقة او الشوكة..مع عصيرالبرتقال واخيرا نضع العسل ونخلط الجميع ..
-يوزع على بشرة الوجه والرقبة..بشكل متساوى
-يوضع لمدة 10_15 دقيقة على الوجه ثم يغسل بماء فاتر من الحنفيه ثم ماء بارد من الثلاجه ..
الفائدة:
_الروب:مادة تحتوى على البكتيريا الحميدة التى تنفع الجسم من الداخل والخارج على طرد السموم وتنظيفه.. والروب خصوصا يلمع البشرة وينظف مساماتها ويقبضها.
-البرتقال:يحتوى على فيتامين.سى...واحماض الفا اهيدروكسيه...المعروفه باحماض الفاكهه وهى المكون الرئيسى فى الماركات العاللميه للتقشير باحماض الفاكهه...وتعمل على صنفرة الجلد ودفع الخلايا لانتاج خلايا جديدة لامعه وصحيه وهو ايضا يعتبر كمادة قابضه للمسامات..ولتجديد الخلايا الميته..
_العسل :يهدى التهيج لذوات البشرة الحساسة..ويغذى البشرة لما يحتويه من فركتوز وغلوكوز وماء وانزيمات ومعادن وفيتامينات واحماض امينية....
صراحة اخواتى اتمنى ان الكل يجربه لانكم بنتلاحظون لون ونوع بشرتكم بعد ماتغسلون القناع على طول...وبتذكرونى بالخير..
وتقدرون انكم حتى تتمكيجون بعد القناع والكل بيلاحظ ان بشرتكم صايرة تلمع و ناعمة مثل بشرة الاطفال وافتح بوايد من قبل استخدام القناع!!
وراويه وكلها حيوية..
صدقونى لما سويتها الكل استغرب من مفعول القناع السريع على بشرتى مع ان بشرتى حساسة جدا لكن المكونات فعلا رهيبة ...ولما تمكيجت بشرتى كانت روعه وكلها بياض وحيويه....
جربوووووووووووووووها وخبرونى وتقدرون تستخدمون القناع مرتين فى الاسبوع للمراة والرجل ولكل انواع البشرات..حتى الحساسة...
وادعوووووووووووووووووووووولى يابنات اذا عجبتكم النتيجة