صباح الخير..
أخوااتي انا بقول لكم حاجه مادري هي مشكله ولا انا مكبره الموضوع بس انا زوجي طيب ومحترم وماعليه الكل يحترمه ... رحنا شهر العسل ماليزيا ورجعنا اعتمرنا انا واهو وابوه وامه طبعا المصاريف عليه لانه السفريه كانت منه لهم ...
بالمختصر زوجي مايحب اشتري اي شي غالي يعني احس لما اقوله الله ابي هالشي يقوم يطلع فيه عيوب الدنيا وبعدها يطيح من عيني اللي ابي اشتريه وانا احب منتجاب بودي شوب بس يقولي صانصيلك وبانتين وغيرها احسن يمكن لان بودي شوب اغلاا ؟ شي ثاني أحس اني من زواجي 5شهور ونص مااشتريت ملابس الا 4 او خمس مرات بس وانا من النوعيه اللي تحب تشتري ملابس كثيررررر لما كنت ببيت هلي اشتري ملابس حتى تمر سنه وهي جديده مالبستها بس عندي هالهوايه بس مع زوجي احس اني مخنوقه شوي هو مو مبذر ولا بخيل مقتصد بس انا مو مرتاحه ابي اشتري ...
أنا مو مشكله عندي بعود نفسي على الاقتصاد بس ابيكم تنصحوني شسوي لاني مابي زوجي يستكثر علي شي بعدين واذا جيت اشتري مايخليني لانكم تعرفو زوجك على ماتعوديه ؟
يعني اتمنى تكونو فهمتوني ؟
شاكره لكم