[بنوته توت]

السلام عليكم ورحمة الله وبركاته



جاء البرد وجات معه اكلاته الحلوه اللي تدفينا وعيالنا...الله يعينا على عيالنا واكلهم اللي نص يومنا نقضيه جري وراهم عشان ياكلون لااااااااا ويا ليت باين عليهم ....


مالكم بالطويله حبيباتي


هذه الكيكيه سهله مره وسريعه وزي مانتوا عارفين مفيده جدا جدا بما انها محشيه بالتمر ومليانه بيض


المقادير


1 كاسه كبيره دقيق


نص كاسه زيت


نص كاسه سكر ((أو أقل لانه بالتمر....فيكون حلو))


5 بيضات كبيره....


فانيليا


ملعقة أكل بيكم بودر


تمر مطحون



ملعقتين اكل او 3 ماء



الطريقه


نحط السكر مع البيض في الخلاط او نخلطه زين زين بالمضرب اليدوي اذا كان السكر مو مطحون


وبعدين الزيت والفانيليا واخر شي الدقيق مع البيكم بودر شويه شويه لين ما يتجانس الخليط ..


اخيرا في صينيه وسط ندهنها بالزيت ونرش فيها شويه دقيق نصب نص الخليط ونرص طبقة تمر مطحون وبعدين باقي الخليط


وندخلها الفرن لين ماتتحمر من تحت وبعدين من فوق


ملاحظه


اول ربع ساعه لا تفتحين الفرن عشان ما تهبط الكيكه بس تراها بسرعه تتحمر


عندي تكفي 20 دقيقه بس وتتحمر من تحت ومن فوق دققتين بس


عساها على قلوبكم وقلوب كتاكيتكم بالف عافيه.


وشوفوا الصور ان شاء الله تعجبكم بس ترا صورتها جري جري يعني لا تدققون بالصوره لا وهي حااااره بعد


بس اللي وراي ما عطوني فرصه امخمخ بالتصوير...................... ..تفضلوا

ودعواتكم... ولكم مثلها ان شاء الله