[أم روضة]

هلا حبيبتي

أنا أول حمل لي كان خارج الرحم وكان لاصق بالانبوب وتم إستئصاله

وبعدها حملت 4 مرات وأسقطت والحمدلله وكانت الدكتورة تقولي لاتفكرين لان النفسية تلعب دور في الحمل

وزوجي كان يقول نفس الكلام لاتفكرين .... بسأنا كنت غبية ماأفهم !!!!!


ومرة من المرات وحدة من الأخوات جزاها الله كل خير قالت عيشي حياتك وأدعي واستغفري وتصدقس وتوكلي على الله وسبحان الله سمعت كلامها والله رزقني بالحمل الثابت ماشاء الله تبارك الله والحمدلله على كل حال

وانا الحين عمري 34 سنة توني دخلت بالرابع الله يتمم حملي على خير


نصيحتي لك :

خليكي قوية بربك ولاتفقدين الأمل بالله وانسي الناس ولاتهتمين بكلامهم ارميه بحر وعيشي حياتك انتي وزوجك وصدقيني راح تحملين وراح تقولين أم روضة قالت وراح تبشريني بإذن الواحد الأحد