1- كيف كانت زفتك اوصفيها لنا ؟؟ ولو ودك انك تغيرينها وش ودك تضيفين عليها ؟؟
زفتي كانت عاديه طلعت للناس وطولت بالبلكونه بعدين نزلت من الدرج حبه حبه كنت بطيئه مره عشان الاغنيه كانت طويله
كان ودي ارمي باقة ورد على البنات بس خفت ارتبك واخربها ههههههه
2- على ايش انزفيتي على اغنيه ولا اناشيد اسلاميه ولا كانت على الصامت ؟؟
كانت شعر افرشي ياارض ممشاها حريروبعدين اغنية عرس الشمس المهم سويت شريط باسمي واسم زوجي سويته في روائع كلفنب الف وثمان ميه كانت خمس اغاني كلها بالاسامي مره كانت حلوه
3- واذا كانت اغنيه إيش هي الاغنيه ولمين ؟؟
ذكرتها فوق اغنيه عرس الشمس حقت محمد عبده قالها في زفاف اميره بس ناسيه مين تكون
4- زفتك بالقاعه ولا بالبيت ؟؟
كانت بقاعه كبيره وكان في ناس كثير عشان عروستين بس انا كنت الاحلى الكل عجبه شكلي
5- في وقت الزفه انزفيتي لوحدك ولا زوجك كان معاك 
؟؟
ممنوع عندنا الزوج يطلع بس كان ودي يكون معي