السلام عليكم ورحمة الله وبركاته المنيو : السلطات / سلطة بطاطس مكشنه بالزبادي / سلطة كفته / فتوش المعجنات/ بيتزا المرتديلا / تورتيلا كفتة اللحم الأطباق الرئيسيه / رز صياديه / صينية الرز بالقشطه / مشوي فيليه سمك / بروست كنتاكي / دجاج بالبهارات الايطاليه / صينية الشاورما / ستيك الدجاج بالموزريلا الحلويات / نيو لوك سينبون / اوريو بالنارجين/ تشيز البسبوسه /Terameso Cups بطاطس مكشنه بالزبادي .. بجد ماينشبع من طعمها .. المقادير بصل مفروم , معجون طماطم , بهارات مشكلهـ , فلفل بودره ,بطاطس مقطعه مكعبات ومقليهـ زبادي , طحينهـ , الخلطهـ نخلط علبة زبادي مع ملعقتين طحينهـ .. وملح وخل وليمون ... الطريقهـ نحمر البصل مع الزيت على النار .. نضيف ملعقتين او ثلاث معجون طماطم .. نقلبهم شوي ونضيف ملعقة بهارات مشكله .. وملعقه فلفل احمر بودره (الكميه اللي تبغيها انا احبها حااااره مره ) بعدين نضيف الملح والفلفل والكمون .. وفنجان شاي مويا .. ونخليها تتسبك شوي , بعدها احط مكعبات البطاطس المقليهـ اقلبهم واخليهم 5 دقايق على نار هاديهـ قدميها بصحن وأضيفي لها خلطة الزبادي وكزبره مفرومه .. وبالعافيه على قلوبكم .. .................................................. ............... سلطة الكفته هذا الطبق تجهزين له الخبز المحمص وكفتة الدجاج اذا تبينها مشوية او مقلية والكفته مقاديري احط بالخلاط بقدونس وبصل وتوست يمكن حبتين اوثلاث او وحدة صامولي وبهارات وشوي ملح بعد الفرم تخلط باليد مع مفروم دجاج اولحم ... على كيفكم تشكل اصابع وتقلى او تشوى بالفرن خلطة الزبادي 2 زبادي ... ملعقة لبنة.. شوي ملح وثوم بودر وعصير ليمون تسوين كشنة طماطم .. بصل ..طماطم شوي صلصة.. اوريجانو ..ملح .. ثوم تطبخينه لين تتسبك وتحطينها بالثلاجة تبرد شوي عند التقديم مباشرة تحطين الخبز المحمص وفوقة طبقة من الكشنة الباردة وفوقها طبقة من خلطة الزبادي وتصفين فوقها اصابع الكفته وترشينها بشوي بقدونس مفروم وممكن صنوبر محمر وزيت زيتون .................................................. .............. الفتوش خيار / خس / طماطم / كزبره / وخبز مقلي اتبلها بسماق وليمون وملح وكمون وزيت زيتون وشوية خل وبالعافيه