:: كيفكم كروشات ان شاء الله كلكم بخير طبعا كثير مثلي فرفروا سنتر بوينت كذا مرة عشان الكوفلة واخرها ما عرفوا فين يلاقوها صورتها لكم عشان تستفيدوا وماتروحوا وترجعوا كالعادة بس للاسف مافيها غير هذا الشكل ولونين وردي وازرق :( وفية شغلتين حبيت افيدكم فيها اولا بالنسبة لرضاعات المواليد شايفة كثير ماخذينها بلاستك وكمان من الرخاص يعني لا بايجون ولا فلبس ولا شيكو مع انو ياما حذروا من استخدام الرضعات هذي وانها ممكن تسبب للطفل امراض واولها السرطان الله يعافينا لازم رضاعة النونو تكون قزاز عشان كل يوم تنغلي مرة وحدة بس وتتنظف بموية وملح لا كلوركس ولا فيري وفية رضاعات مرة حلوة اسمها دكتور براون شوفوا شكلها وانتوا احكموا شوفوا شكلها من جوة شايفين الفلتر اللي جوة هذا عشان يمنع دخول الهواء ويخفف الغازات لنونتك اذا فتحتوها راح تلاقوا جوة جلدة فيها فتحتين وحدة يخرج منها الحليب والثانية يطلع منها الهواء جربوها وراح تدعوا لي وراح تكنسلوا كل انواع الرضاعات طبعا شكلها مرة مو حلو عشان كذا اخترعوا هذي الاشياء منها شكل حلو ومنها اذا رضعتي نونتك عند ناس ملاقيف مايعرفوا قد ايش شرب واخيرا حوسة الرضاعة الطبيعية انا ببنتي مارضعت ولا اسبوع والسبب انو بالمستشفى يرضعوها صناعي وتعودت على كبر حلمة الرضاعة وانا مشكلتي ماعندي حلمات فعشان كذا عملوا اختراع للي مثل حالتنا وعشان ترضعي طبيعي افضل لك وللنونو شوفوا هذي حلمات صناعية تلاقيها بسنتر بوينت وكمان باي صيدلية من شركتين بايجون او فلبس انا اخذت فلبس لان فيها حبتين وتكفيك الحبتين هذي بس لين تبرز الحلمة ممكن تستغني عنها وان شاء الله افدتكم ولاتنسوني من دعواتكم الحلوة ^_^ ::
اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير، تولج الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب، رحمن الدنيا والآخرة ورحيمهما تعطي من تشاء منهما وتمنع من تشاء، ارحمني رحمة تغنيني بها عن رحمة من سواك يا رحمن يا رحيم ارزقني الحمل السليم المعافى عاجلا غير اجل ؛؛