[ثلجه فوشيه]

السسسلام عليكم ورحمه الله وبركاته ...

كيفكم ياحلووين ان شاء الله ببخير ؟

انا جايه اليوم وجايبه لكم قصه روعه خخخخ

الحمد لله الذي بفضله تتم النعم ولدت وجبت احلى عموري

يوم الجمعه 10 /2 /1432 هـ

طبعا نفس اليوم المتوقع فيه ولادتي بالميلادي بس الهجري كنت مخلصه شهري ليا

يومين اعتقد الملادي اززبط المهم ...

يوم الربوع رحت لدكتورتي وسوت ليا توسعه بيدها وصراحه تالمت شويا بس

لانو كانت توسعه مو بس كشف المهم لما خرجت يدها كان الجونتي فيه دم

قالت دحين امشي واشربي اشياء حاره مفتوح واحد سانتي ..

خرجت من عند الدكتوره وانا دمعتي على خدي احسب دا اقوى الم راح اشوفو

خخخخ الي هوا الم الكشف بس زوجي كان يقولي معليش هانت ويصبررني

الحمد لله زوووجي كان له دور كبير في تخفيف الألم عليا من بعد الله يعني نفسيا

كنت مرتاحه لأنو جنبي وواقف معايا ..

المهم خرجنا من المستشفى العصر غداني في مطعم ورحنا البيت ريحنا دا الكلام

يوم الربوع لما صحيت سويت حليب بالقرفه وشربت بس ماسوا شي

يوم الخميس كانت في امطااااار جدا جدا قويه وقلت في نفسي شكلو مافي مشي اليوم

وكانت دي اهم الايام الي لازم امشي فيها بس وجلست على النت مع البنات اهرج

الين ماوقفت المطره تقريبا 10 او 11 كذا خرجنا انا وزوجي نمشي وكانت الارض

شويا مبلووله وكل ماجات سياره قلت ياساتر ههههه المهم كان بعدها عندي موعد

الساعه 12 بالليل تداوم دكتورتي مشيت الين وحده ونص تقريبا ورحنا المستشفى

على 2 كانت الدكتوره عندها ولاده وقالو راح تتاخر خرجنا رحنا تعشينا ورجعت

بيتي قال زوجي نروح على الفجر المهم الساعه سته الصباح يوم الجمعه رحت

للدكتوره لقيتها ماعندها احد فاضيه دخلت وكشفت عليا قالت لسا 1 سم أنا مررا

تحطمت بصراحه وشافت السونار قالت كل شي كويس المهم بس كشفت على

بطني كانت مررررا متحجره بشكل مو طبيعي وانا من اول حاسه بتحجر فضيع

قالت راح تستني ليوم السبت بس لو ماجاكي الم تدخلي تنويم وتوقعي طلق صناعي

وعمليه لو مانفع الطلق الصناعي قلت لها لا مابدي انا استنيت لآخر التاسع واخر شي

عمليه قالت طيب انتظرري كمان كم يوم بس لو ماولدتي مو طيب تتاخري المهم

خرجنا من عندها تقريبا الساعه 7 الصباح على ماوصلت بيتي كانت الساعه 7

ونص اتوقع جلسنا انا وزوجي نهرررج ونقرقر الين الساعه 11 ونص بعدها زوجي

قلي انا بنام شويتين حطي المنبه عشان اقوم اصلي الجمعه وانا والله كان تفكيري كلو

في الولاده وكنت خايفه لما قالت لي عمليه بس مع التعب نمت ودق المنبه الساعه

12 ونص ولا قمنا خخخخ استغفر الله بس على الساعه 1 ظهر صحيت على الم

في ظهرري إلا قمت من سدحتي وجلست الين ماراح ورجعت تاني انسدحت شويا

ويرجع نفس الألم والله مرررا مو في بالي طلق ابغى انام مانمت كويس خخخ

رجع ثالث مرا الا هنا انا شكيت انو طلق بس كان كل شوويا يقوى الألم حسبت

بالجوال كان كل 20 دقيقه المهم قمت كلمت ماما وقلت لها اش قالت دكتورتي في

الصباح وانا اتألم بس خفت افجعها ماقلت لها وانا اتألم اقول يمكن مو طلق بس

كذاا زي كل مرررا المهم قفلت ولا خليتها تحس بشي ..

عد ماقفلت منها شغلت اللابتوب وشغلت سورة مريم وجلست امشي في البيت وامشي

وامشي وابكييييي صار الألم تقريبا كل ربع ساعه وبعدين كل عشره دقايق قفلت على

زوجي غرفه النوم عشان مايسمع صوتي وانا اتألم وابكي جلست من الساعه وحده

الين الساعه 3 وانا اتالم وابكي ابكي مرررررا صار الألم قوووي وقريب من بعض

صار كل خمسه دقايق واللي بعدها الطلقه يمكن كل دقيقتين وانا لسا في البيت تخيلو

خخخ بس بعد كذا مرررا ماقدرت اتحمل فتحت باب غرفتي قلت دخل اخذ ملابس

بسرعه واخرج عشان اتحمم بمويه حاره الا دوووبي افتح باب الغرفه وتجي هذيك

الطلقه القووويه وصرخت بقوه قام زوجي مفجووع قال اشبك ؟؟؟

اصلا شاف وجهي محمر والدموع على الخد قلي تعالي تعالي نامي معليش ههههههه

وانا خلاااااص مستويه قلتلو قوووم دا طلق انا مرررررا تعبانه هوا يحسب زي كل

مرا الم عادي الا قام وقلي من متى تتالمي قلت لو من الساعه 1 ليا ساعتين وقتها بس

طلقي مرا كان حامي وحار ووقتو قريب من بعض قام وقعد يمشيني في البيت وكل

ماجات طلقه ادعي واقول يارب هون عليا وابكي ابكي من قلبي واصرررخ أنا كنت اقول

ماراح اصرخ راح اتحمل بس والله ماقدرت ماقدرت مررا الالم كان فوق المتوقع

وهوا يهديني ويقول لي لا تصرخي يروح مجهودك اقولو ماني قادره وصرت بس

اصرخ عليه دخل اتحمم هوا وصلى الظهر والعصر وبعدها انا دخلت اخذت دش

ساخن بسرعه وخليت الباب مفتوح عشان لو صار لي شي يسمعني المهم خرجت

لبست وبسرعه اخذنا الشنطه ومشينا على المستشفى كانت الساعه اربعه العصر

طبعا انا لا تغديت ولا فطرت وورايا مجهوود وزوجي الا تاكلي وانا مو قادره اجلس

مو آكل بس وقف عند ماكدونالدز دا الوقت صار الطلق تقريبا كل دقيقه وانا اصرررخ

في السياره وابكي وابكي من قلبي واقولو ما ابغى اكل وديني المستشفى بس كان صبور

زوجي مابيوديني بدرري عشان لا يلعبو فيا المهم عند ماكدونالدز انا ادعي واقول

يارب ماتجي الطلقه لما يقرب من شباك الطلبات عشان مايسمع صوتي الرجال وانا

اصررخ هههههههه وكان في ولد صغير يشحت عند شباك الطلبات ودبوو زوجي

يوقف عند الشباك وتجي ديك الطلقه القويه واصررررررررررررخ والولد الي كان

يشحت شرد من صوتي هههههههه
والرجال يقول اشبها دي بس انا وقتها بيد الرحمن

مو في الدنيا خلاااااص كنت احس الموووت وربي بس طلب زوجي ويعطيني بطاطس

وانا اقولو مو قادره مابغى شي واصيح وهوا يقولي معليش لازم عشان يكون فيك

مجهود بس اعطاني بطاطس واكلت شويا منها والله يابنات من الألم ماقدرت امضغ

بلعتها بالعصير بس بعدين ماقدرت اكمل شي بس لقمه بطاطس قربنا من المستشفى

طبعا انا ماكنت اقدر امشي لما تجي الطلقه ولا كنت اقدر ارفع رجلي جابو ليا عربيه

وشالوني عليها وانا اصررخ اصررخ من الألم مرررا صار قووووي قووووي

نسيت اقولكم أنا وزوجي كنا متفقين مانقول لأحد الا لما اولد حتى مامتي ومامتو

بس انا لما شوفت الم الطلق كذا قلت اتصل على ماما قولها تجي المستشفى ودق عليها

واحنا في السياره ماما ماكانت مصدقه تقولو هيا كلمتني الظهر مافيها شي وكانت تسمع

صوتي وتقولي ادعي ادعي لا تصرخي المهم شالوني على العربيه وطلعوني دور

الدكتوره والحريم لما سمعو صوتي اتلمو عليا زوجي صار مو عارف اش يسوي

مرا خلااااص احس اني استوويت الحريم يقولو اذكري الله لا تصرخي وانا ابكي

بس وحده كانت عند الدكتوره خرجت ربي يعطيها العافيه وقالت لي ادخلي دخلوني

بالعربيه وشافتني الدكتوره فرحت خخخخ الصباح كنت عندها مافيني شي

بس قالت لي قومي اطلعي على السرير اقولها مو قادره قالت لا قومي حاولي

وبالمساعده قدرت اوقف وقتها وصلت ماما ودخلت معايا كشفت الدكتوره قالت

3 سم مفتوح بس تخيلو من وحده الين خمسه والالم جدا جدا قوووي وربي شفت

الموت قالت امشي شويا في المستشفى عندي ولاده وارجع لك وقتها خرجت امشي في

الممر والالم يزيد والألم يزيد واصرخ والناس الي جايه تراجع كثير حريم برجالهم

كلهم وربي يدعو لي بس مشيت خمسه دقايق مع ماما واختي واخويا وماقدرت بعدها

اوقف كانت لما تجيني الطلقه رجلي تششد ومقدر احركها ولا اقدر ارفعها صرت بس

اتشهد وقتها المهم جلست في العربيه واخويا كان يدفني اقولو وقفــــــــني ويوقفني

اقول دفــــــني صرت مو عارفه اش اسوي بس اصرخ فيهم ماما تقولي لا تصرخي

ادعي اقولها خلاااااص ابعدو عني منتو حاسين فيني بس صوتي ارتفع مرا مرا جات

السستر قالت الم زياده قلت لها بموت مو الم زياده دخلتني الكشك وقالت اجلسسو

برا وزوجي مسكين دايخ مو عارف ايش يسوي من الفجعه بس دخلت الكشك تقريبا

الساعه 5 العصر فسخت لي عبايتي وكشفت قالت مفتوح سته سانتي وانا اسمع

صوت الحرمه الي بتولدها الدكتوره جنبي وخايفه اقول متى انا يجي دوري

بس الا سمعت صوت النونو حقها عرفت ان دووري قرب وانادي يادكتوووووره

وهيا تقولي طيييييييييييب هههههههه بس شويا الا انفقع كيس المويه حسيت شي

دافئ وشفت المويه كان معاها دم ورجلي اتعدمت هنا الالم صار مووت مووت مووت

صرت اصرخ زي المجنوونه اقولهم اعطوني الكماااااام اخذوني الغرفه الثانيه

والدكتوره تقولي لا تصرخي ضغطك يرتفع بس خلاص لو يموتوني وقتها بس يخف

الألم الي أحس فيه ماعندي مشكله اعطتني الكمام وقالت امشي هنااا عشان اللي كان

قصير حق الكمام بس اخذت 5 طلقات وانا معايا الكمام السادسه طحت خلاص من

الألم الا جات الدكتوره والسستر بسرعه رفعوني عالسرير وصارت الدكتوره تقولي

اذا جاك الم ادفعي اذا ماجاك لا تدفعي وأنا صرت اذا جاني الم احط الكمام عشان

يخف وهيا تقولي لا لا اسمعي كلامي شويا عشان تخلصي بس جات اربعه طلقات

دفعت فيها ماخرج الرأس بعدين حسيتها وهيا تقص توسع بس طبعا المنطقه مبنجه

اعرف انها بتقص بس مافي الم بعدها جاتني طلقتين دفعت فيها خرج الرأس وبعدها

طلقه دفعت خرج باقي الجسم هناااا خلااااااااااص كل شي كنت احس فيه راح

كل الألم هذاك انتهى اختفى يا الله مو مصدقه احس اني في حلم شوفت عموري وهما

شايلينو من رجلو بس ماسمعتو صرخ تعرفو قلب الأم شلت الكمامه قلت دكتوره اشبو

مابكي قالت دحين حسيت بألم رجعت حطيتها بسرررعه هههههه

ورحت في دونيا ثانيه اسمع كل شي حوليني بس دآآآآآآآيخه بعدين اخذوه على يميني ابغى ادير رآسي عشان اشوفو ماقدرت عشان الكمام شلت الكمام شويا ودرت وجهي ورجعتو بسرعه كمان ههههه سمعتو بكي خلااااااص ارتحت وحطيت الكمام ورحت في نومه حق عشره دقايق طبعا نايمه بس اسمع كل شي حوليني واحس وهيا تخيطني لما

تدخل الأبره وتخرجها بس بدون الم لاني مبنجه بس كان في وخزز خفيف مرررا

خرجو ولدي وكملو خياطه ليا وخرجت انا بعد ربع ساعه تقريبا غطوني بس بشرشف

وانا على سريري وخرجوني واسمع صوت زوجي وماما واخواني واخواتي بس

دايخه مرا مرا كنت فرحانه اني خلصت ونفس الوقت مو مصدقه اني ولدت واني

خلصت من الألم اللي كنت احس فيه الي كشف وجهي زوجي قلي مبرووك ياقمرر

وانا اقولو مويه مويه ههههههه

بس بعدها حطوني في الملاحظه واهلي جو عندي وبعد ربع ساعه جابو عموري ليا

انا كنت وقتها لسا ماشفتو راحت اختي صورت صوره من الحضانه وورتني

مرا تعمووون لزوز ربي يحميه وسعيييييييييل مرا مرا انا كنت تعبانه من الخياطه

تألمني عشان كذا مادورت عليه بس شوفت الصوره وكنت فرحانه بعد ساعتين فك

البنج وصرت ابكي تاني لأني مرا كنت متألمه جو اعطووووني فولتارين خف الألم

وكان في مغذي اخذتو وبعدها حطولي اثنين كمان خرجت من الكشك انا بعد اذان

المغرب بالزبط طلعوني غرفتي فوق لاني كنت في الملاحظه الين الساعه وحده

لما طلعوني اسمع صوت الأمطااااااار والرعد طبعا طلعت بعد ماحمموني وغيرت

ملابسي جلست الين الساعه خمسه ونص وأنا مو قادره انام بس افتكر ايش صار لي

مع اني كنت مرا تعبانه مانمت اصلا كويس قبلها ...

أنا ولدت في مستشفى باشراحيل في مكه عند الدكتوره بسمه ..

المستشفى كويس الى حد ماا الدكتوره روووووعه رووووعه روووعه

اتعب اقول كويسه والله اتحملتني كثيررررر سبيتها وضربت وصرخت لكن ربي

سخرها ليا عشان كذا كنت مصممه اولد عندها والحمد لله وقت طلقي كان من حظي

وقت دوامها ..

كانو في ممرضتين هنديتين معايا وقت الطلق مرررا كانو رحيمين وهما كمان

اتحملوني واتحملو صريخي وجناني ..

اللي اتعلمتوو شي واحد ان اصعب شي في الولاده الم الطلق وانا دا الشي الوحيد

الي مافكرت فيه كنت دايما افكر بخروج الرأس والخياطه وطلعت دي اهون من

الهينه ولاحسيت فيها اصلا ..

الخياطه المها بعد مايفك البنج بس مع المسكنات والعلاج تخف بعد اسبوعين

أو اقل ..

آخر شي الحمممد لله على كل شي والله عموووري نسآني كل اللي شفتو في ولادتي