المقادير كاس مويه دافيه ملعقه كبيره خميره فنجان سكر فنجان زيت رشة ملح كاسين دقيق ملعقه صغيره بكنج بودر .. بس انا استغني عنه 3 ملاعق حليب بودره اعجينهم سوا وخليهم في مكان دافي او قريب من الفرن لين تتخمر يعني نص ساعه كافيه .. ملاحظتي بس على كمية السكر انا اقللها ,, السكر يعطيها ليونة وهشاشة زي القطن لكن انا ماحب الفطاير فيها ظاهرة نكهة حلوه ويساعدني فرن الكهرب انوه تطلع هشة زي القطن اذا فرنك غاز انصحك لاتقللين كمية السكر بس زيدي الملح لملعقة صغيرة الشي الثاني طريقة العجن الكوب اللي تقيسين فيه الدقيق هو نفس اللي تقيسين فية كمية الموية وحطي السكر والخميرة وكوب المويه في بادية او كوب اكبر وخليهم 10 دقايق بتشوفين خميرتك لو ناجحه بتتفاعل وترتفع اذا بتعجنين بالعجانة الكهربائية لازم باخر شي تعجنين بيدك شوي بتطلع اروع وافضل واخر نقطة مهمه بعجينة الفطاير البادية اللي بتتركين فيها العجينة تخمر ادهنيها بزيت ثم حطي العجيني وغلفيها كويس كويس بالنايلون .. لاتخلين مجال للهوا ترا كاسين قليل اذا انتم اكثر من شخصين فادبلي المقدار الحشوة روعة : بصل اخضر + تونة + ملعقة مايونيز + ملعقة شطة + رشة فلفل اسود . فطاير الدجاج والمرتدلا قبل الفرن : بعد : فطائر الوردة : جربتها بعدة اجبان كان من الذها تشيدر المراعي .. اليوم حشيتها بلبنة وزينتها بالزعتر .., مع نقط زيت زيتون وبدون برضو حلو زي هنا : لكن الزيت يخلي الزعتر يمسك اكثر ع الفطائر . طبعا اطراف الوردة تدهن بيض بس الوسط يترك بدون دهن . هنا اثناء الفرد : وهنا قبل الفرن : ادهن بيضة مخفوقة كويس العجينة نفسها .. وترا فطيرة الدجاج حيل سهلة بس مايونيز وكتشب تخلطينهم وتدهنين الفطاير لين نهاية الاطراف مب زي البيتزا ثم ترشين فلفل رومي احمر والدجاج والمرتدلا ( الدجاج مع ثوم وزيت ع النار وصوص الصويا لين يستوي قبل تحطينة ع الفطيرة ) الجبن لو عندك التشيدر البرتقالي او موزريلا عادي اخر شي بصل اخضر مع زيت ورشة ملح وفلفل زيني فيهم فوق الجبن . ودخليهم الفرن من تحت بس الذ شي صراحة , وتقدرين تخلينها بشكل صينية وتقطعينها عند التقديم . وهنا المقدار الاصلي مقادير العجينة: 8 اكواب دقيق 8 ملاعق حليب جاف ربع كاس زيت ملعقتين خميرة ملعقة بكن بورد صغيرة فنجالين سكر ذرة ملح " ملعقة شاهي "