[لمسة وفا]

اعتقد ان ممكن يعملونها مباشره بعد الولاده يعني مع الخياطه العاديه . والصراحه اذا جاتك وحده شاطره بتخيطك عدل بذمه وضمير . وما بتحتاجين بعدها لا لخياطه ولا شي . شرط تتنفسين نفاس زيييين وتظلين مرتاحه بالسرير وما تفتحين رجولك مده ما تقل عن ثلاث اسابيع وبعدها ممكن تبدين تتحركين بس بحذر . هذا حسب اهل الخبره . انا بولادتي الثانيه صارلي تمزق للاسف واللي زاد الطين بله ان الدكتوره اللي خيطتني يظهر ان ما عندها خبره بالخياطه الله يسامحها ما رتبت لي شي مع اني طلبت منها خياطه تجميليه بس قالتلي اذا بتستحملين باسويها لج . قلتلها يعني شثر استحمل لاني ذاااايبه خلاص . ما ردت قلتلها طيب باستحمل بس ارجوج راعيني شوي . شكلها خبصت وما عرفت شالسالفه . لان لما خلصت الاربعين رحت لدكتوره وكنت اعاني التهابات كثيره وقالتلي لانج ما تخيطتي اصلا ووووااااااسعه وهذا اللي مخلي البكتيريا ما تفارقج . والله العالم