المقادير والطريقة :
كيلو ستيك مقطع
- ينقع اللحم قبل بوقت ( اذا كان للغداء نقعيه من الليل واذا للعشاء من الصباح ) في :
عصير ليمونة كاملة - 2م ك تتبيلة الدجاج واللحم والسمك - م ص مطري اللحوم - 4 فصوص ثوم مقطعة
- نصفي اللحم من التتبيلة ونحمسه بزبدة وزيت زيتون لحد ماينشف الماي ويتحمر مثل الصورة تقريبا 2/1 ساعة بعد كذا نرفع اللحم على جنب في صحن .
- في نفس مقلى اللحم نحط شرايح بصل - بقدونس وكزبرة مفرومة - علبة فطر كاملة ونحمسهم مع بعض بشوية زيت لحد مايذبل البصل وياخذ طعم اللحم بعدين نرجع اللحم عليه .
- نذوب كيس شوربة الفطر مع كاسين ماي ونضيف لهم كاس كريمة الخفق ونخلطهم مع بعض وبعد كذا نصبهم على اللحم ونحركهم ونضيف شوية ملح حسب الذوق ونخليهم على نار هاديه لحد مايثخن مع التحريك بين فترة وفترة وبس .
وهذا الشكل النهائي وصدقوني الطعم رووووعه
وهذي صورة شوربة الفطر وكريمة الخفق وتتبيلة اللحم