[أسرار جورية]

أمممممممممم فرحت بس في نفس الوقت خاب أملي

مافي تناسب بين أهمية رجعته وبين المكرمة !!

المفروض تتوزع بيوت على الفقراء مثلاً تخيلوا في في منطقتنا ناس عايشين في بيوت شينكو !! وبلا مكيفات وياريت عائلة وحدة

عوائل عايشة في شينكو !! ومن وين إلى وين يحصلون إعانات من أهل الخير

أو عينيات للزواج مثل كل الدول العربية تخيلوا زوجي في زواجنا قدم على قرض جاه بعد ما تزوجنا وخلصنا وهذا حال الأغلب !!

أو عينيات للبيوت أو حتى تتوزع أراضي أو بيوت مجانية مثل بعض الدول الخليجية
القلة القليلة جداً جداً تقدر تمتلك بيت بعد أقل من 15 سنة من توظف، فيظل الواحد يعاني هم سداد ديون الزواج وإذا خلصت ديون الزواج يبدأ يتدين للبيت وإذا خلصت ديون البيت يبدأ يتدين لتزويج أولاده !!
احنا من تزوجنا 10 سنوات وإلى يومكم ما نحلم بأرض حتى !!

أو فرص وظيفية للشباب العاطل
ناس تتخرج بمعدلات فوق الثمانين ما تلقى فرصة تكمل تعليمها حتى تلقى وظائف وناس تتخرج من الجامعة تظل عاطلة سنواات
أخوي تخرج من الزراعة قبل 9 سنوات بالضبط ومعدل زين وإلى يومكم مالقى وظيفة يطقطق لحاله يتشغل
وأخوي الثاني مساعد مهندس تخرج قبل 6 سنوات ونفس الشيء يشتغل في الحفريات يدقون بدنه دق
وواحد من اخواني فني أسنان الأول على دفعته جلس اشتغل في محل جوالات 8 شهور ينتظر الوظيفة وأخر زواجه سنة والسبب مافي وظيفة !!

لازال الوضع الواحد عشان يتزوج لازم يظل إلى عشر سنوات قدام يسدد بس في ديون زواجه




حياك الله ملكنا بس ساعدنا وصلح وضعنا