[همي رضا ربي]

المشاركة الأصلية كتبت بواسطة رماد الصمت

الله يتمم حملك على خير ياقلبي

طيب هل سويت شي قبل حملك ومع حملك وهل كان في سبب عندك في الاجهاض واجهاضك كان في جنين

الله يجزاك خير
ايوه حبيبتي كل حمل لي كان فيها جنين

اول شي بعدت عن الدجاج نهائي مااكله ابد ولا اقربه لان كله هرمونات
واهتمت بعلاج فقر الدم لاني كنت اعاني منه ومااكل شي حار حتى القهوه خففت منها
ثانيا قالت لي وحده يمكن فيني قرينه تاخذي ملعقه سدر مطحون وتحطيها في قاروره مويه صحه اللي بنص ريال وشربتها باول ايام الدوره
وبالدوره الثانيه نفس الحاله (اذا فيك قرينه تنزل كانها كتله دم متجمعه اوشي متشعر) لكن ولله الحمد ماكانت فيني
واخذت علاج شعبي من حرمه واستمريت عليه ثلاث شهور تاخذي في الدوره وبعده اللي حسيت اني استفدت منه كان مع العلاج كبو فيه:( شبه ومره مدري حلتيته وعين الجمل واعشاب مدري ايش)
اتكبا فيها يوم بعد يوم من الدوره كنت احس الله يكرمك تنزل مني قطع دم صغيره يمكن سدد
واهم من هذا كله استخدمت مسك الطهاره الاسود من عبدالصمد القرشي ربع التوله على مااعتقد 300 او200 ريال مااذكر بالضبط
وهذا اشوفه اهم علاج لانه يطرد القرينه والشياطين ماتخليها تقرب للمنطقه سبحان الله علشان كذا الرسول صلى الله عليه وسلم حثنا فيه
واعرف حريم كثير حملوا بعد الله سبحانه ومن ثم هالمسك وحده 13 سنه ماحملت واستخدمته شهرين وربي كتب لها الذريه المفروض مانتهاون فيه

وبعدين بعد الدورة بثلاث ايام كان جماعي يوم بعد يوم واحاول مااقوم بسرعه واحيانا انام وارفع رجولي شوي
ولما حملت سويت تحليل منزلي بس ولاعلمت احد غير زوجي والله حتى امي ماقلت لها لكن سبحان الله تعرفين قلب الام تقول كنت ادري انك حامل من طريقة تنفسك واخواتي قالوا من نومك لكن ماحد تكلم
وايضا حرصت جدا على سورة البقرة ورقيه حطتها احدى الاخوات هنا جدا مفيده
اذا تبينها قولي لي ارفعها لك
يارب لك الحمد عاد لما تحرك زوجي علم امه والباقين ماعلمتهم لحد ماطلع بطني ماعاد ينجحد

ايوه نسيت اقولك اول الحمل اخذت حمض الفوليك
ومره كنت ابلحق الصلاة في المسجد برمضان ونطيت درجتين وشلت بنت اختي ونزل معي دم لونه زي البرتقالي رحت للدكتورة عطتني دافستون وقالت المفروض قبل الحمل تاخذينه بس ماعلي منها
وايضا عطتني وجوسبرين للاطفال ونصحتني اخذ ابر هيبارين او اي نوع منه كتبت لي ابر كلكسان
ويارب لك الحمد والشكر الحين هذاني انتظر فرج ربي

اتمنى اني اكون افدتك بهالقصه الطويله والله يكتب لك كل خير