[sweet moon]

___________________________
__________________
_____



كان في داخل المكتبه غرفة صغيرة تقريبا مساحتها 4×3 وفيها مكتب الشيخ الخاص ..

وهذي هي الغرفه اللي دخل فيها هو وهذا المسكون الله يكفينا ويكفيكم الشر ..

وصرنا انا والوالد وعمي عند الباب ونسمع ..



صوت الجني لما كان يتكلم , والله صوت مرعب الى ابعد الحدود !

وأنا متيقن أنه لم ولن يخطر على بال احد ان هذا الصوت سيسمعه بيوم من الايام حقيقه او اساسا ان مثل هذي الاصوات موجودة ..

الصوت جدا كان مخيف و قوي !


::


تخيلوا بس ..


بجنب المسجد فيه بيت كبير مكون من ثلاث أدوآر , وفي الدور الثالث حرمه كبيرة بالسن ربي اخذ منها نعمة السمع في آوآخر عمرهـآ ..

تفاجأنا !

بدخول شاب للمسجد ويسأل أحد العاملين في المسجد من اللي قاعد برا : من وين هذا الصوت !

ويقوله : أبد بس فيه واحد مسكون نسأل الله السلامه .

إلا ويقوله هذا الشاب : لان جدتي لها تقريبا حوالي الـ15 سنة ! ماتسمع كلامنا وحنا جالسين جنبها ! , وسمعت هذا الصوت وقالت اسمع صوت صراخ وصوت قوي مخيف جاي من جهة المسجد !


يعني تخيلوا فقط مدى قوة صوت الجن !... كفانا الله شرهم ..


::


المهم بدأ الشيخ معه بالترآخي وبالإستجواب .. وحنا طبعا نسمع المحادثة من ورا الباب .

سأله : وش اسمك ؟

قاله : اسمي قـمر

الشيخ : كم عمرك ياقمر ؟

الجني : عمري بأعمـآركم 14 سنة , وبأعمار الجن 96 !!



وأنا أسمع ولاني بدآري على الطبخه .., كيف خش فيه وليه ومتى ..؟


بصراحه ماقدرت اصبر وسألت الوآلد بهمس : اللحين من متى وهو فيه وكيف خش ؟

الوآلد سلك لي وقال : بعدين بعدين اقولك ..



الا وشوي نجي لتفاصيل الدخول كيف كانت وليه ومن كان المتسبب , وأنتبهوا ياأخوآن !



::



سأله الشيخ : وليه خشيت فيه وش السبب ؟


رد عليه : أنا مرسول , أنا مرسوول !

قاله : من ارسلك ؟

و رد عليه : فلان بن فلان الفلاني , جاب الاسم الرباعي كاملا !


حنا بلعنا العافيه !


لأن هذا الشخص اللي ذكر اسمه الجني , صديق لـ( ص ) منذ الصغر ..!

ودآئما مانشوفهم مع بعض في مجالسهم وفي قصصهم وفي كل شي يخصه غالبا مانسمع اسم هذا صديقه معه , من قوة العلاقة اللي تربطهم ..



::


القصة ومافيها



كان في يوم من الايام , وليمة ( عقيقة ) لأحد الأقارب ..

و من ضمن الحضور كانوا هذولي الشخصين ( ص + وصديقه المتهم )

هذا ص , من طبعه أنه ينكت على هذا وذاك لـغرض الضحك لا بغرض الذم , وكنا دائما نستانس بوجودهـ لروحه المرحه .

وبعد هذي الوليمة ذكر اسم خويه هذا , إنه لما يآكل كنه في بيتهم موب عن بيت ناس ..

طبعا جابها بطريقة مزح وكلنا اللي قاعدين نعرف هالشي ..

لكن , قال هالكلام وخويه هذا ماكان موجود لانه طلع تقريبا من الأوآئل بعد العزيمة , وكان في هالمجلس الوالد وانا وعمي وبعض الأصدقاء الموجودين ..


وبيوم من الايام صار بين هذا اللي ذكر اسمه الجني وواحد من اللي حضروا العزيمة سوء تفاهم ..

وقاموا كل واحد يقول انت سويت وإنت ماسويت على سالفة بينهم حصلت ..

فقـآل هذا لصديق ( ص ) : والله صدق ( ص ) يوم قال إنك فشلة , وماحد يجيبك بالعزايم ..

هذاك عصب وسمع هالإسم ! وكيف يعني انا خويه وقال كذا عند هذا ! و و وإلخ من هالتشنجات اللي حصلت له .


وللأسف .

مادق عليه وتفاهم معاه بما انه خويه ولازم يتأكد من هالمعلومة إنه انت قلت كذا عندهم ذاك اليوم وليه و و ..

لا ..


رد عليه وقال : مثل ماقال هالكلام لك , رح وقله صدقني بتذوق المر بحياتك كلها إنت وعائلتك !



والنفوس ضعيفه في هالوقت الله المستعان .

ومنها , راح مسرع عند اقرب عرّاف ماأدري من اي منطقة وقاله ارسل له جني يعذبه حتى الموت ! , وبعدها يخش بزوجته وعيالها ويخلص على العائله واحد واحد !

::


وأختفى هذا الرجال , وقفل جوالاته ولا عاد صار يجي لبيتهم ولا ندري وين أرضه .

ومن ثاني يوم .

بدا هذا ( ص ) يعاني معاناة بطرق شنيعه !


وطريقة الجني للدخول فيه كيف كانت .. وأكرر أنتبهوا ياأخوآن لا تستهينون بهالأمور !



كان قاعد هذا في المكتب وبدوآمهـ , وماشاءالله عليه حنا نعرفه انه بالدين محافظ على صلواته وقائم بأمور دينه , ومتحصن ومستغفر يشهد له البعيد قبل القريب .


لكن ..

التحصين عند الغضب يتفكك !!

فهـو غضب على واحد من الموظفين , وشرب كاس موية بعدها ونسى مايذكر بسم الله ..

ودخل الجني فيه عن طريق الموية , ولقى الباب امامه ( سهل مسهل ) للدخول .


ومن بعدها ..


صارت بطنه منفوخه فجأه !


أعضاء جسمه شوي وتنفجر ! من قوة الإنتفاخ ..


نوم لا ينام , عياله الصغار صاروا يبكون ويخافون منه ولا يقربونه !

لدرجة أنهم يوم يشوفون أبوهم قبالهم ويجي يبي يحضن أحدهم ويلعب معاه وهو بعز تعبه ومرضه يبكون ويبتعدون منه ويقولون : هذا مو بابا


::

فـ الجني كب العشا كامل وحنا نسمع ..

وبعدها قام الشيخ يقوله إطلع طيب بالطيب وبنجآزيك باللي تبي بما إنك مسلم وإن شاءالله ربي يهديك بعدها ..

يرد عليه الجني بكل وقاحة ! : أنا مادخلت فيه عشان أطلع , انا اخذ عمولة على شغلتي لان عائلتي فقيرة وأحتاج للمال من هذي المهمه ! , ولو ماأنجزتها فأنا بحتاج إني أفارق عيالي للأبد !



أنا أسمع هالكلام ومنلحس ! , شلون ياخذ فلوس وشلون وشلون ..!


وساعات اقول لا ياولد شكله نصاب , لأنه عاصي وأكيد بيكذب ..



::


شوي الا ويفتح الباب الشيخ ويقول عطوني عصا ..

عطيناه العصا وخش وقفل الباب ..

وقام يضرب فيه , ويضرب ويضرب وحنا نسمع صراخ وصوت الضرب ونتألم لما نتذكر أنه يجي في جسم هذا المسكين اللي ماله حيله ..


والجني يصرخ ويعاهده إنه بيطلع ونسكت حنا ونفرح نقول خلاص هانت اللحين بيطلع ..

الا شوي ويضحك بصوت عالي ويشتم !


7 مرات يعاهد الشيخ انه بيطلع ولا يطلع !



الى ان جات ساعة الصفر , وعاهدهـ انه بيطلع بعد ماتعب من الضرب ومن قراءة الشيخ الجميلة جزاه الله الف خير ..

ويفتح الباب فجأة ! ويقفل بقووة ..

وأنا صاير كذا ..



::


دخلنا الغرفه بسرعه نبي نتطمن عن حالة هذا المسكين ..

لقينا فمه يصب دم من داخل , لان الجني مسك له الحبال الصوتيه بقوته كلها .

وجسمه متورم من قوة الضرب , لان بعد كل ماجا الشيخ يضرب بمكان يهرب الجني ويجي بمكان ثاني وتجي الضربه بجسم هذا المسكين .


إلى أن طلع من إصبع رجله الكبير وأرتاح ..



::


انا بعدها جلست مع الشيخ شخصيا وسألته عشان استفيد منه ..

وقلت له : ياشيخ جزاك الله خير , وشلون تمنع من إن الجني لايدخل فيك وإنت حتى متحصن وقائم بأمور دينك !؟؟

قالي : الإنسان مهما كان متحصن ... والجني اذا يبي يدخل فيه ... فهو بيراقبه الا ان يشوفه ...

وصل لدرجة كبيرة من الفرح لشي ما ! ... أو وصل لدرجة كبيرة من الخوف لظروف ما ! ... أو اذا غضب !

وذا دخل وأبى أنه مايطلع , فـ قراءة القران مع الضرب في اطراف الجسم تجعله مع كثرتها يموت , وتخرج جثته على شكل رماد من الانسان ..

لو كان رجل , فـهي تخرج عن طريق الغائط وإنتم بكرامه .

ولو كان إمرأة , فهي تخرج عن طريق دم الحيض وإنتم بكرامه .


::


والحمدلله بعدها رجع هذا الرجل لبيته مرتاح ..

وراح وأعتمر وشكر الله وحمده على هذي النعمه , وهي إن ربي كتب له عمر بعد ماشاف الموت اما عينه .



واللي سوا له الفعله هذي ( صديقه ) الى اليوم والليله مختفي , والعـرّاف هذا مانعرف وين أرضهـ وماأسمه وماجنسيته ..


لكن أخذت ملاحظة مهمة من الشيخ ..

إن : اذا تريد ترى الإنسان يذوب أمامك كالرمآد ! ... فـهو العرّآف .

أمسك يده كأنك تصافحه , وإبدأ بعدها بقراءة سورة البقرة وأنت ماسك يدهـ بقوة ولا تتركهـآ ..

إلا أن يموت وتراه يذوب أمامك مثل الرمآد !




ياسبحـآن الله ..


//


وهذي هي الحادثة ياأخوآني اللي مرت علي ولن ولم انساها ماحييت ..

فـ هي حادثة أليمة وتشمل بنفس الوقت دروس و عبر لمن لم يعتبر .


فأرجوا المواضبه على الأذكار فهي واقية بعد الله من كل شر ..

وأتبعوهـآ بـ ( الترجّل ) في الأمور ..


فلا تسعد كثيرا , ولا تخف كثيرا , ولاتغضب !


فـ خير الأمور أوسطهـآ كما قال الرسول الكريم عليه افضل الصلوات وأتم التسليم .




::


وآسف جدا جدا على الإطـآلة , فـ هي لـ غ ـرض الفائدة لنا ولكم مع العلم ان تاريخ الحادثة كان قبل حوالي السنة ونصف .




××× في آمـآن اللي مآتنـآم عيـنـهـ ×××