حبيت اشارككم معناتي..
أنا عندي ولدعمره سنه وثمانيه اشهر ولدته بعمليه قيصريه..
والسبب أني تعديت التاسع ب13 يوم..
وكانت نزلت المويه والرحم فاتح 2سم فقط ولافيه طلق..
تنومت واعطوني تحاميل لفتح الرحم لمدة خمسه أيام ولكن من دون فائده..مافتح ولانص سم زياده..
نفسيتي تعبت كثير وحتى جسمي لان الثقل على الحوض كان شديد بسبب نزول المويه اللي كانت تعمل على تخفيف الثقل..
والعمليه آه من العمليه أول الافاقه تحسين بوجع العالم كله بجسمك..
خاصه أني نحيفه فكان الألم لايطاق..
وأنا معي امساك خلقه وبعد العمليه ماكنت آكل مجرد اشرب عصيرات وأشرب مرق خوف من لحظة الاخراج..
وبالنسبه للترويش بعد العمليه بأسبوع فكوا الخياطه واعطوني خروج وبنفس اليوم تروشت لكن حطيت سفرة بلاستيك على الجرح..والحقيقه كنت أتروش يوميا لاني أحس بحراره من الحليب بصدري,,وأخاف من الريحه بسبب الرضاعه..
وبالنسبه لتنظيف الجرح كنت أنظفه بمطهر بسافلون وأمسح بمسحة طبيه..
واللحين أنا حامل بالشهر الثامن يعني حملت بعد ولادتي بسنه..
لان معي ضعف بالمبايض وحملي بمنشطات وشفت التربيه صعبه قلت بدل ماأرتاح 4 أو5سنوات وأرجع للعذاب..خلي التعب يكون مره وحده أربي الثنين مع بعض وبعدها بوقف الى ان يشاء الله..
وبعد شهر يعني دخولي التاسع باذن الله راح يعملون لي قياس حوض اذا كان ضيق بيقررون موعد العمليه,,أو فيه مجال للطبيعي..
لكن الطبيعي تخوفني وترهبني ماهو بسبب الطلق لا الخوف من التوسعه والخياطه ومن غير بنج..
طولت عليكم..
الله يقوم كل حامل بالسلامه..
ويشافي من ولدن بعمليه..
ويكتب الأجر للجميع..
اللهم آمين..