شوفي حبيبتي
الي سوته معك الدكتورة صحيح مية بالمية
لأن موشرط يظهر النبض في السونار ..لأن صارلي مثلك وماظهر إلا الكيس
يعني حتى الجنين نفسه ماظهر
بس أهم شي حبيبتي تستمري على المثبت وتريحي نفسك على ظهرك طول الوقت ولا تقومي من فراشك إلا لحاجه قصوى
وتجنبي الأطعمة المسببه للإجهاض (ابحثي عنها)
وعشان تتطمني أكثر خلي الدكتورة تعملك أشعة ألتراساوند(أشعه مهبلية)لأن نتايجها واضحه وتبين حالة الجنين والرحم بوضوح أكثر
ولا تفكري كثير لأن الي كاتبه ربي حتاخذيه..
وبعدين المثبتات مالها أضرار.. فقط إن الرحم يحتاج لعملية تنظيف (كحت)بعد الإجهاض وفي مثل حالتك في الشهر الثالث لوحصل إجهاض لاسمح الله من غير مثبتات يحتاج للتنظيف لأن حجم الجنين يعتبر كبير وماحينزل بسهوله
أنا ما أبغى أخوفك بكلامي .. بالعكس أبغاك تفهمي حالتك مزبوووط وتتصرفي صح
لأن مافيه فايده من التطمين وانتي بخطر
الله يقومك بالسلامه ويتمم حملك يارب