مساء الخير حوامل
كيفكم
باكتب لكم موضوعي واتمنى تساعدوني وتطمنوني ولو بدعوه بسيييطه
انا الحمد لله حامل في الشهر السابع
وطووول شهور الحمل الجنين كويس وما فيه شي
بس تفاجات لما عملت سونار قبل يومين ان المويه زايده واطراف الجنين قصيره
انا بصراحه انصدمت
لانه مالاحظوا هذا الشي الا اللحين
ودايما اسوي سونار وكويس ورجله ويدينه كويسه
ومو عارفه والله اش الحكايه
والشي اللي يقهر انه السونار اللي قبل هذا ما بينهم الا اسبوع تخيلو والمويه والجنين كويسين
واللحين يقولوا المويه زايده واطرافه قصيره
واثنين دكاتره قالو نفس الكلام
امانه اللي مرت بنفس الشي تقولي
ابغى تفاعلكم معاي