السلام عليكم ورحمة الله وبركاته
انا عندي مشكله وصراحه محتاره
انا سقطت قبل شهرين وفي الشهر الثالث بعد الدوره بـ 7 او 8 ايام نزل معاي دم كثير وخفت وقلت يمكن اني مره ثانيه سقطت ورحت للدكتوره وقالت لي هذا دم استحاضه دم تبويض وقلت لها ليش التبويض هالمره كذا قالت لانك سقطتي وظل الدم معاي يمكن 10 ايام وبعدها راح وبعد 5 ايام تقريبا او اقل نزل دم مره ثانيه قبل وقت الدوره بيوم مو مره دم خفيف يعني ظل يومين وبعدين غسلت وصليت وماعاد نزل معاي دم والحين احس انو انا مرهقه وصدري يعورني كأنو ألم الصدر لما تجي وقت الدوره وابي اشقر وخايفه انو انا اطلع حامل
مع العلم اني قبل يومين سويت تلفزيون عند الدكتوره وشكت بالوضع وقالت تعالي اسوي لك تلفزيون وماطلعت حامل بس عندي وسواس لانو التشقير مو حبو بوقت الحمل
وفي اكثر من وحده قالت بعض الدكاتره مايكتشفون الحمل بدقه خصوصا في بدايته
اسفه ع الاطاله بس من جد توترت ابي اعرف شنو هذا اللي يصير معاي وهل قد حصل مع اي وحده منكن ؟
وشكرا